ദമ്മാം: ഒരാഴ്ചത്തെ ദാമ്പത്യത്തിന്റെ മധുര സ്മരണകള് ബാക്കിയാക്കി ഹിദ യാത്രയായി. സൗദി അറേബ്യയിലുണ്ടായ വാഹനാപകടത്തില് വയനാട് വൈത്തിരി സ്വദേശിനി ഹിദ നൗറിന് (23) ആണ് മരിച്ചത്. ദമ്മാം-റിയാദ് ഹൈവേയില് ഒറൈറക്കടുത്ത് ഉമ്മുല് അറാറില് വെച്ചായിരുന്നു അപകടം.
റിയാദിലുള്ള മാതാപിതാക്കളെ സന്ദര്ശിക്കാന് ഭര്ത്താവ് യാസീനൊപ്പം പോവുകയായിരുന്നു ഹിദ. ഇവര് സഞ്ചരിച്ചിരുന്ന കാര് നിയന്ത്രണം വിട്ട് മറിയുകയായിരുന്നു. അപകടസ്ഥലത്ത് വെച്ച് തന്നെ ഹിദ മരണപ്പെട്ടു. സാരമായി പരിക്കേറ്റ ഭര്ത്താവ് യാസീന് ആശുപത്രിയില് ചികിത്സയിലാണ്.
ഒരാഴ്ച മുമ്പാണ് ദമ്മാമില് വെച്ച് ഹിദയുടെയും യാസീന്റെയും വിവാഹം ആഘോഷമായി നടന്നത്. പുത്തന് ജീവിതത്തിന്റെ സന്തോഷങ്ങള് പങ്കുവെക്കാന് മാതാപിതാക്കളുടെ അടുത്തേക്ക് പോകുമ്പോഴാണ് വിധി വില്ലനായെത്തിയത്. നിയമനടപടികള് പൂര്ത്തിയാക്കിയ ശേഷം മൃതദേഹം സൗദിയില് മറവ് ചെയ്യുമെന്ന് ബന്ധുക്കള് അറിയിച്ചു.
Related News
