റിയാദ്: സൗദി അറേബ്യയുടെ തലസ്ഥാനമായ റിയാദിന് സമീപം ഡ്രോണ് ആക്രമണശ്രമം തടഞ്ഞു. ആക്രമണത്തിനായി എത്തിയ ഡ്രോണ് പ്രതിരോധ സേന ആകാശത്തുവെച്ച് തകര്ത്തു. ഇതിന്റെ അവശിഷ്ടങ്ങള് ജനവാസ മേഖലയില് പതിച്ചതിനെത്തുടര്ന്ന് അല്-ഖര്ജില് രണ്ട് പേര്ക്ക് പരിക്കേറ്റതായി സൗദി സിവില് ഡിഫന്സ് അറിയിച്ചു. ചൊവ്വാഴ്ചയാണ് സംഭവം നടന്നത്.
അല്-ഖര്ജ് പ്രവിശ്യയിലെ ഒരു താമസസ്ഥലത്താണ് ഡ്രോണ് അവശിഷ്ടങ്ങള് പതിച്ചത്. പരിക്കേറ്റവര്ക്ക് നിസ്സാര പരിക്കുകളാണുള്ളതെന്ന് ഔദ്യോഗിക വാര്ത്താ ഏജന്സിയായ എസ്.പി.എ. റിപ്പോര്ട്ട് ചെയ്തു. അവശിഷ്ടങ്ങള് വീണ് മൂന്ന് വീടുകള്ക്കും ഏതാനും വാഹനങ്ങള്ക്കും ഭാഗികമായ കേടുപാടുകള് സംഭവിച്ചിട്ടുണ്ട്.
ഡ്രോണ് തകര്ത്തതിനെത്തുടര്ന്ന് ചീളുകള് താഴേക്ക് പതിക്കുകയായിരുന്നുവെന്നും സംഭവസ്ഥലത്ത് സിവില് ഡിഫന്സ് വിഭാഗം എത്തി ആവശ്യമായ സുരക്ഷാ നടപടികള് സ്വീകരിച്ചതായും അധികൃതര് വ്യക്തമാക്കി. ഇത്തരം അടിയന്തര സാഹചര്യങ്ങളില് സ്വീകരിക്കാറുള്ള മുന്കരുതല് നടപടികള് ഉടനടി നടപ്പിലാക്കിയതായി സിവില് ഡിഫന്സ് പ്രസ്താവനയില് അറിയിച്ചു.
Related News
