പൊന്നാനി: നിയമസഭാ തെരഞ്ഞെടുപ്പില് പൊന്നാനി, തവനൂര് നിയോജക മണ്ഡലങ്ങളിലെ യു.ഡി.എഫ് സ്ഥാനാര്ത്ഥികളുടെ വിജയത്തിനായി സംഘടിപ്പിച്ച പ്രവാസി സംഗമം ശ്രദ്ധേയമായി. എ.ഐ.സി.സി നിരീക്ഷകനും ഡല്ഹി പ്രദേശ് കോണ്ഗ്രസ് കമ്മിറ്റി വര്ക്കിംഗ് പ്രസിഡന്റുമായ അലി മെഹ്ദിയുടെ സാന്നിധ്യത്തില് പ്രമുഖ ഒ.ഐ.സി.സി നേതാവ് മാമദ് കെ. മുഹമ്മദ് പൊന്നാനിയുടെ വസതിയിലാണ് സംഗമം നടന്നത്.
സംഗമത്തില് മാമദ് കെ. മുഹമ്മദ് അധ്യക്ഷത വഹിച്ചു. പ്രവാസി വിഷയങ്ങളില് ഇന്ത്യന് നാഷണല് കോണ്ഗ്രസ് സ്വീകരിച്ചുപോരുന്ന നയനിലപാടുകളെക്കുറിച്ച് അലി മെഹ്ദി വിശദീകരിച്ചു. മടങ്ങിയെത്തുന്ന പ്രവാസികള് നേരിടുന്ന വിവിധ പ്രശ്നങ്ങളെക്കുറിച്ച് യോഗത്തില് ചര്ച്ചകള് നടന്നു.
സി.കെ. മുഹമ്മദ് ഹാജി (ആഫ്രിക്ക), ചന്ദന മൂസ (ഖത്തര്), നൂറുദ്ദീന് കോയ (റിയാദ്) എന്നിവര് ചര്ച്ചകള്ക്ക് നേതൃത്വം നല്കി. പ്രവാസി വ്യവസായികളും വിവിധ സംഘടനാ നേതാക്കളും ചടങ്ങില് പങ്കെടുത്തു. ടി.കെ. ഇസ്മായില് സ്വാഗതവും കെ.എം. അബ്ദുറഹ്മാന് നന്ദിയും പറഞ്ഞു.
Related News
