ജിദ്ദ: തിരൂര് മണ്ഡലം കെഎംസിസി തിരഞ്ഞെടുപ്പ് കണ്വെന്ഷന് ജിദ്ദ മലപ്പുറം ജില്ലാ കെഎംസിസി ഓഫീസില് സംഘടിപ്പിച്ചു. ജിദ്ദ മലപ്പുറം ജില്ലാ കെഎംസിസി പ്രസിഡന്റ് സി.എം. ഇസ്മായില് മുണ്ടുപറമ്പ് പരിപാടി ഉദ്ഘാടനം ചെയ്തു.
തിരൂര് മണ്ഡലം കെഎംസിസി പ്രസിഡന്റ് എം.പി. മുസ്തഫ അധ്യക്ഷത വഹിച്ച ചടങ്ങില് വൈസ് പ്രസിഡന്റ് അഷ്റഫ് കുഞ്ഞി തങ്ങള് സ്വാഗതം ആശംസിച്ചു. ജില്ലാ ജനറല് സെക്രട്ടറി നാണി ഇസ്ഹാഖ് മുഖ്യപ്രഭാഷണം നടത്തി. ജില്ലാ വൈസ് പ്രസിഡന്റ് അഷ്റഫ് മുല്ലപ്പള്ളി, ജില്ലാ സെക്രട്ടറി മുഹമ്മദ് യാസിദ് എന്നിവര് ആശംസകള് നേര്ന്നു.
തിരഞ്ഞെടുപ്പ് പ്രചാരണത്തിന്റെ ഭാഗമായി മണ്ഡലം കെഎംസിസി പുറത്തിറക്കിയ വിവിധ പോസ്റ്ററുകളുടെ പ്ലക്കാര്ഡുകള് ഉയര്ത്തിപ്പിടിച്ച് പ്രവര്ത്തകര് വോട്ട് അഭ്യര്ത്ഥിച്ചു. തിരൂര് നിയോജക മണ്ഡലം യുഡിഎഫ് സ്ഥാനാര്ത്ഥി കുറുക്കോളി മൊയ്തീനെ വമ്പിച്ച ഭൂരിപക്ഷത്തില് വിജയിപ്പിക്കാനുള്ള പ്രവര്ത്തനങ്ങള് യോഗം വിശദമായി വിലയിരുത്തി. ഇതിന്റെ ഭാഗമായി കുടുംബയോഗങ്ങള്, കോളിംഗ് കാമ്പയിനുകള് എന്നിവയ്ക്ക് കൂടുതല് പ്രാധാന്യം നല്കാന് തീരുമാനിച്ചു.
ജനാധിപത്യത്തെ പണാധിപത്യമാക്കി മാറ്റാനുള്ള ഇടതുപക്ഷത്തിന്റെ ശ്രമങ്ങളെയും കുപ്രചാരണങ്ങളെയും ജനങ്ങള്ക്ക് മുന്നില് തുറന്നുകാട്ടാന് പ്രവര്ത്തകര് ജാഗ്രത പുലര്ത്തണമെന്ന് നേതാക്കള് ആഹ്വാനം ചെയ്തു.
ചടങ്ങില് ജിദ്ദ മലപ്പുറം ജില്ലാ കെഎംസിസി സെക്രട്ടറി യാസിദിന്റെ പിതാവും മുന് കെഎംസിസി നേതാവുമായ എ.പി. കുഞ്ഞാവു ഹാജിയെ ആദരിച്ചു. യുഡിഎഫ് സ്ഥാനാര്ത്ഥിക്ക് വോട്ട് ചെയ്യുന്നതിനായി നാട്ടിലേക്ക് പോകുന്ന അദ്ദേഹത്തിന് ഹൃദ്യമായ യാത്രയയപ്പും നല്കി.
ചെയര്മാന് സയ്യിദ് ജലീല് തങ്ങള്, ഓര്ഗനൈസിംഗ് സെക്രട്ടറി റിഷാദ് എം., അലി അക്ബര് കെ.കെ., അബ്ദുല് നാസര് എന്., പ്രവര്ത്തകരായ മുഹമ്മദ് യാസീന്, അബ്ദു റഹീം കെ., അഷ്റഫ് സി.ടി. എന്നിവര് ചര്ച്ചകളില് പങ്കെടുത്തു. ട്രഷറര് അന്വര് കെ. നന്ദി രേഖപ്പെടുത്തി.
Related News
