റിയാദ്: സൗദി വാണിജ്യ മന്ത്രി മാജിദ് അല് ഖസാബി, വ്യവസായ-ധാതു വിഭവ മന്ത്രി ബന്ദര് ബിന് ഇബ്രാഹിം അല് ഖൊറയെഫ്, നിക്ഷേപ മന്ത്രി സൗദി നിക്ഷേപ മന്ത്രി ഫഹദ് ബിന് അബ്ദുല്ജലീല് അല് സൈഫ് എന്നിവരുമായി ലുലു ഗ്രൂപ്പ് ചെയര്മാന് എം.എ. യൂസഫലി കൂടിക്കാഴ്ച നടത്തി.
മേഖലയിലെ നിലവിലെ സാഹചര്യത്തില് സൗദി അറേബ്യയിലെ ഭക്ഷ്യലഭ്യത ഉറപ്പാക്കുന്നതിനായി ലുലു ഗ്രൂപ്പ് സ്വീകരിച്ചിട്ടുള്ള നടപടികളെക്കുറിച്ച് യൂസഫലി മന്ത്രിമാരെ ധരിപ്പിച്ചു. രാജ്യത്ത് ഭക്ഷ്യ ഉല്പ്പന്നങ്ങളുടെ സുഗമമായ വിതരണത്തിനായി ലുലു ഗ്രൂപ്പ് നടത്തുന്ന പരിശ്രമങ്ങളെ മന്ത്രിമാര് അഭിനന്ദിച്ചു. ലുലുവിന്റെ ഭാവി പ്രവര്ത്തനങ്ങള്ക്ക് സൗദി സര്ക്കാരിന്റെ ഭാഗത്തുനിന്നുള്ള എല്ലാ പിന്തുണയും സഹായവും മന്ത്രിമാര് വാഗ്ദാനം ചെയ്തു.
ലുലു സൗദി ഡയറക്ടര് മുഹമ്മദ് ഹാരിസ്, കൊമേഴ്സ്യല് ഡയറക്ടര് നെമില് നസീര്, വിവിധ മന്ത്രാലയങ്ങളിലെ ഉന്നത ഉദ്യോഗസ്ഥര് എന്നിവരും യോഗത്തില് സംബന്ധിച്ചു.
Related News
