ലോസ് ഏഞ്ചല്സ്: യൂറോപ്യന് ചാമ്പ്യന്മാരായ സ്പെയിന് ലോകകപ്പ് ഫുട്ബോള് പ്രീക്വാര്ട്ടറില് പ്രവേശിച്ചു. വ്യാഴാഴ്ച നടന്ന മത്സരത്തില് ആസ്ട്രിയയെ എതിരില്ലാത്ത മൂന്ന് ഗോളുകള്ക്ക് തകര്ത്താണ് സ്പെയിന് നോക്കൗട്ട് റൗണ്ടിലേക്ക് യോഗ്യത നേടിയത്. മിഖേല് ഒയാര്സബാല് നേടിയ ഇരട്ട ഗോളുകളും പെഡ്രോ പോറോയുടെ ഹെഡ്ഡര് ഗോളുമാണ് സ്പെയിനിന് കരുത്തായത്. ടൂര്ണമെന്റിലെ ഏറ്റവും മികച്ച പ്രകടനമാണ് സ്പാനിഷ് പട പുറത്തെടുത്തത്.
ആദ്യ മത്സരത്തില് കേപ് വെര്ദെയോട് ഗോള്രഹിത സമനില വഴങ്ങിയ സ്പെയിന്, പിന്നീട് മികച്ച ഫോമിലേക്കാണ് തിരിച്ചെത്തിയത്. ലോസ് ഏഞ്ചല്സിലെ സോഫി സ്റ്റേഡിയത്തില് നടന്ന മത്സരത്തില് സ്പാനിഷ് താരങ്ങളായ പെനലോപ്പ ക്രൂസും ജാവിയര് ബര്ദെമും ഉള്പ്പെടെ 70,492 കാണികള് സാക്ഷ്യം വഹിച്ചു. മത്സരത്തിലുടനീളം ആധിപത്യം പുലര്ത്തിയ സ്പെയിനിനെതിരെ ഒരു ഷോട്ട് പോലും ഉതിര്ക്കാന് ആസ്ട്രിയക്കായില്ല. 36-ാം മിനിറ്റില് ഒയാര്സബാലിലൂടെ ലീഡ് നേടിയ സ്പെയിന്, 66-ാം മിനിറ്റില് പോറോയുടെ ഗോളിലൂടെ ലീഡ് ഇരട്ടിയാക്കി. 89-ാം മിനിറ്റില് മാര്ക്ക് കുക്കറെല്ലയുടെ ക്രോസില് നിന്ന് ഒയാര്സബാല് തന്റെ രണ്ടാം ഗോളും നേടി സ്പെയിനിന്റെ വിജയം പൂര്ത്തിയാക്കി.
മത്സരത്തിന്റെ 53-ാം മിനിറ്റില് ഇവാന് പെരിസിച്ച് നേടിയ ഗോളിലൂടെ ക്രൊയേഷ്യയാണ് ആദ്യം മുന്നിലെത്തിയത്. എന്നാല് തൊട്ടുപിന്നാലെ ലഭിച്ച പെനാല്റ്റിയിലൂടെ ക്രിസ്റ്റ്യാനോ റൊണാള്ഡോ പോര്ച്ചുഗലിനെ ഒപ്പമെത്തിച്ചു. ലോകകപ്പ് നോക്കൗട്ട് ഘട്ടത്തില് റൊണാള്ഡോയുടെ കന്നി ഗോളായിരുന്നു ഇത്. മത്സരത്തില് പിന്നീട് പകരക്കാരനായി ഇറങ്ങിയ റാമോസിലൂടെ പോര്ച്ചുഗല് വിജയമുറപ്പിച്ചു.
പോര്ച്ചുഗല് ഗോള്കീപ്പര് ഡിയോഗോ കോസ്റ്റയുടെ മികച്ച പ്രകടനവും മത്സരത്തില് നിര്ണ്ണായകമായി. മാറ്റിയോ കൊവാസിച്ച് തൊടുത്ത ഷോട്ട് കോസ്റ്റ വിരലുകള് കൊണ്ട് തട്ടിമാറ്റി പോസ്റ്റിലിടിച്ചത് ക്രൊയേഷ്യയ്ക്ക് തിരിച്ചടിയായി. കൂടാതെ പെറ്റ സുസിച്ചിന്റെ ഒരു ഗോള് ഓഫ്സൈഡ് വിളിച്ചതും ക്രൊയേഷ്യയ്ക്ക് വിനയായി.
81-ാം മിനിറ്റില് റൊണാള്ഡോയെ പിന്വലിച്ച് റൂബന് നെവസാണ് കളത്തിലിറങ്ങിയത്. വിജയത്തോടെ, തിങ്കളാഴ്ച ഡാലസില് വെച്ച് നടക്കുന്ന പ്രീക്വാര്ട്ടറില് സ്പെയിനുമായി ഏറ്റുമുട്ടാന് പോര്ച്ചുഗല് യോഗ്യത നേടി.
