കണ്ണൂര്: 12കാരിയെ ലൈംഗികമായി പീഡിപ്പിച്ച കേസില് യുവതി അറസ്റ്റിലായി. തളിപ്പറമ്പ് പുളിമ്പറമ്പിലെ ആരംഭന് സ്നേഹ മെര്ലിന് (23) ആണ് പിടിയിലായത്. തളിപ്പറമ്പ് പോലീസ് സ്റ്റേഷന് പരിധിയിലെ 12കാരിയാണ് പീഡനത്തിനിരയായത്.
പീഡനത്തിനിരയായ പെണ്കുട്ടിയുടെ ബാഗില്നിന്ന് അധ്യാപിക മൊബൈല് ഫോണ് കണ്ടെടുത്തിരുന്നു. അത് പരിശോധിച്ചപ്പോഴാണ് സംശയം ഉയര്ന്നത്. തുടര്ന്ന് രക്ഷിതാക്കളെ വിവരം അറിയിച്ചു. ചൈല്ഡ്ലൈന് അധികൃതര് നടത്തിയ കൗണ്സലിങ്ങിലാണ് പീഡനം നടന്നത് സ്ഥിരീകരിച്ചത്. തുടര്ന്ന് പോലീസില് പരാതി നല്കുകയായിരുന്നു. പെണ്കുട്ടിക്ക് യുവതി സ്വര്ണ ബ്രേസ്ലെറ്റ് വാങ്ങി നല്കിയതായും സൂചനയുണ്ട്. പല തവണ പെണ്കുട്ടി പീഡിപ്പിക്കപ്പെട്ടിട്ടുള്ളതായാണ് വിവരം.
മെര്ലിനെതിരെ നേരത്തെയും സമാനമായ രീതിയിലുള്ള കേസ് രജിസ്റ്റര് ചെയ്തിട്ടുണ്ടെന്നാണ് പോലീസ് പറയുന്നത്. മുമ്പ് ഒരു അടിപിടി കേസിലും ഇവര് പ്രതിയായിട്ടുണ്ട്.
Related News
