റിയാദ്: സംഘടനകളുടെ പൊതുവേദിയായ ഫോര്ക അത്താഴ സംഗമം നടത്തി. മലാസിലെ അല്മാസ് ഓഡിറ്റോറിയത്തില് നടന്ന സംഗമത്തില് വിവിധ സംഘടനകളുടെ നേതൃത്വനിരയില് ഉള്ളവര്ക്കു പുറമേ പ്രമുഖ വ്യക്തികളും പങ്കെടുത്തു. ഹാഷിം ഉസ്താദിന്റെ ഖുര്ആന് പാരായണത്തോടെ തുടങ്ങിയ സാംസ്കാര്യ പരിപാടി ഡാ. മജീദ് ചിങ്ങോലി ഉദ്ഘാടനം നിര്വഹിച്ചു. അഡ്വ:അബ്ദുല് ജലീല് റമദാന് സന്ദേശം നല്കി. തുടര്ന്ന് ഇന്റര്നാഷണല് ഇന്ത്യന് സ്കൂള് ചെയര്പേഴ്സണ് ഷഹനാസ് അബ്ദുള് ജലീല് മുഖ്യ പ്രഭാഷണം നടത്തി. വര്ത്തമാനകാലത്ത് പ്രസക്ത വിഷയമായ മയക്കമരുന്ന് മാനവരാശിക്ക് വരുത്തുവാന് പോകുന്ന വിപത്തിനെതിരെ നാം സജ്ജരാകേണ്ടതിന്റെ ആവശ്യകത എടുത്തു പറഞ്ഞു. മുഖ്യമായും കൗമാര പ്രയാക്കാരെ കേന്ദ്രീകരിച്ചുള്ള മയക്കുമരുന്ന് വിപണനം വരും തലമുറയെ നശിപ്പിക്കുവാന് ഉദ്ദേശിച്ചുള്ളതാണന്ന് അഭിപ്രായപ്പെട്ടു.
കൃപ കായംകുളം, മാസ് റിയാദ്, കൊച്ചി കൂട്ടായ്മ, പെരുമ്പാവൂര് അസോസിയേഷന്, മൈത്രി കരുനാഗപ്പള്ളി, റിയാന് മലപ്പുറം, വടകര എന് ആര് ഐ, ഇവ ആലപ്പുഴ, കിയ റിയാദ്, കൊട്ടാരക്കര അസോസിയേഷന്, കൊയിലാണ്ടി നാട്ടു കൂ ട്ടം, നന്മ കരുനാഗപ്പള്ളി, എം ഡി എഫ്, വാവ വണ്ടൂര്, റിക്കോ, പൊന്നാനി അസോസിയേഷന്, കൂട്ടിക്കല് പ്രവാസി, പയ്യന്നൂര് സൗഹൃദ വേദി എന്നീ സംഘടനാ പ്രധിനിധികളെ ഷാള് അണിയിച് ആദരിച്ചു. ഫോര്ക ചെയര്മാന് റഹ്മാന് മുനനമ്പത്ത് അധ്യക്ഷത വഹിച്ച യോഗത്തില് ജനറല് കണ്വീനര് ഉമ്മര് മുക്കം സ്വാഗതം പറഞ്ഞു.
ഷാജഹാന് കല്ലമ്പലം,അബ്ദുല് സലിം അര്ത്തിയില്, പുഷ്പരാജ്, ഷിഹാബ് കൊട്ടുകാട്, ജയന് കൊടുങ്ങല്ലൂര്, സെബിന് ഇക്ബാല്,സലിംകളക്കര, നസറുദീന് വി ജെ, സുധീര് കുമ്മിള്, ഷംനാദ് കരുനാഗപ്പള്ളി, സി പി. മുസ്തഫ, മുഹമ്മദ് ഷഫീക്, സുരേന്ദ്രന്, അബ്ദുള്ള വല്ലാഞ്ചിറ, എന്നിവര് ആശംസകള് നേര്ന്നു സംസാരിച്ചു. ഷാഹിന് അമുഖ പ്രഭാഷണം നടത്തി. ജിബിന് സമദ് കൊച്ചിന് നന്ദി പറഞ്ഞു. അലക്സ് കൊട്ടാരക്കര, ഗഫൂര് കൊയിലാണ്ടി, സലിം പള്ളിയില്, സൈഫ് കായംകുളം, സൈദ് മീന്ചന്ത, സൈഫ് കൂട്ടുങ്കല്, മജീദ് മൈത്രി, അഖിനാസ് കരുനാഗപ്പള്ളി എന്നിവര് പരിപാടിക്ക് നേതൃത്വം നല്കി.
Related News
