റിയാദ്. സാമൂഹ്യ സാംസ്കാരിക കാരുണ്യ രംഗത്ത് കെഎംസിസി നടത്തുന്ന പ്രവര്ത്തനങ്ങള് സമാനതകളില്ലാത്തതാണെന്ന് മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള് അഭിപ്രായപ്പെട്ടു. റിയാദ് കെഎംസിസി സെന്ട്രല് കമ്മിറ്റി സംഘടിപ്പിച്ച ഇഫ്ത്താര് സംഗമം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. സെന്ട്രല് കമ്മിറ്റി പ്രസിഡന്റ് സി പി മുസ്തഫ അധ്യക്ഷത വഹിച്ചു.
ഷിഫയിലെ ഖസര് അല് അമൈരി ഓഡിറ്റോറിയത്തില് സംഘടിപ്പിച്ച സംഗമത്തില് വ്യാപാരികള് ഉള്പ്പടെ സമൂഹത്തിലെ വിവിധ തുറകളില് നിന്നുമുള്ള ആറായിരത്തോളം പേര് പങ്കെടുത്തു.
പ്രവാസ ലോകത്തും നാട്ടിലും ഏത് നന്മ നിറഞ്ഞ പ്രവര്ത്തനങ്ങള് നടക്കുമ്പോഴും അതിന്റെയെല്ലാം ഊര്ജ്ജം കെഎംസിസിയാണ്. വിശ്വാസികളെ സംബന്ധിച്ചോളം പരിശുദ്ധ റമദാന് വീണ്ടു വിചാരത്തിന്റെയും പുനരാലോചാനയുടെയും സമയമാണ്. സ്നേഹവും സൗഹാര്ദ്ധവും ഊട്ടിയുറപ്പിക്കുവാന് കെഎംസിസി ഘടകങ്ങള് നടത്തുന്ന ജനകീയ ഇഫ്ത്താറുകള് ശ്രദ്ധേയമാണ്. പുതിയ തലമുറയെ ഇല്ലാതാക്കുന്ന ലഹരിയുടെ വ്യാപനം ഇല്ലായ്മ ചെയ്യാന് എല്ലാവരുടെയും കൂട്ടമായ പ്രവര്ത്തനങ്ങള് ആവശ്യമാണെന്നും തങ്ങള് കൂട്ടിച്ചേര്ത്തു.
ദുബായ് കെഎംസിസി പ്രസിഡന്റ് ഡോ അന്വര് അമീന് ചേലാട്ട് മുഖ്യാഥിതിയായിരുന്നു. റിയാദ് കെഎംസിസി സെന്ട്രല് കമ്മിറ്റിയുടെ വ്യത്യസ്തമായ പ്രവര്ത്തനങ്ങള് മാതൃ കയാണെന്ന് അദ്ദേഹം പറഞ്ഞു. അത്ലറ്റിക്സ് ഫെഡറേഷന് ഓഫ് ഇന്ത്യ വൈസ് പ്രസിഡന്റായി രണ്ടാമതും തെരഞ്ഞെടുത്ത ഡോ. അന്വര് അമീനുള്ള ഉപഹാരം മുനവ്വറലി ശിഹാബ് തങ്ങള് കൈമാറി.
പട്ടിക്കാട് ജാമിഅഃ നൂരിയ അറബിക് കോളേജ് പ്രഫസര് ളയാഉദ്ധീന് ഫൈസി റമദാന് സന്ദേശം നല്കി. ഇന്ത്യന് എംബസി സെക്കന്റ് സെക്രട്ടറി എസ് കെ നായക്, വെല്ഫെയര് വിംഗ് സെക്കന്റ് സെക്രട്ടറി പ്രവീണ് കുമാര്, കെഎംസിസി നാഷണല് കമ്മിറ്റി വൈസ് പ്രസിഡന്റ് ഉസ്മാന് അലി പാലത്തിങ്ങല്, കെ കെ കോയാമു ഹാജി, മുജീബ് ഉപ്പട, മുഹമ്മദ് വേങ്ങര, തെന്നല മൊയ്തീന് കുട്ടി, മൊയ്തീന് കുട്ടി പൊന്മള, യു പി മുസ്തഫ, സത്താര് താമരത്ത്, ബഷീര് ഫൈസി ചുങ്കത്തറ, അഡ്വ. ജലീല്, സുരേന്ദ്രന് കേളി, എന്നിവര് പ്രസംഗിച്ചു. ജനറല് സെക്രട്ടറി ശുഐബ് പനങ്ങാങ്ങര സ്വാഗതവും ഷാഫി മാസ്റ്റര് തുവ്വൂര് നന്ദിയും പറഞ്ഞു.
അഹമ്മദ് കോയ സിറ്റി ഫ്ളവര്, അലി എ ജി സി, അബൂബക്കര് ബ്ലാത്തൂര്, സാനിന് വസീം ഗ്രാന്റ് ഹൈപ്പര് മാര്ക്കറ്റ്, മുഷ്ത്താഖ് അല് റയാന് എന്നിവര് അതിഥികളായി പങ്കെടുത്തു. ഭാരവാഹികളായ അബ്ദുറഹ്മാന് ഫാറൂഖ്, അസീസ് വെങ്കിട്ട, മജീദ് പയ്യന്നൂര്, അഡ്വ. അനീര് ബാബു, സിറാജ് മേടപ്പില്, നജീബ് നല്ലാംങ്കണ്ടി, ജലീല് തിരൂര്, മാമുക്കോയ തറമ്മല്, നാസര് മാങ്കാവ്, അഷ്റഫ് കല്പകഞ്ചേരി, ഷമീര് പറമ്പത്ത്, പി സി മജീദ്, ഷംസു പെരുമ്പട്ട, ജസീല മൂസ, ഹസ്ബിന നാസര് എന്നിവര് നേതൃത്വം നല്കി.
