കല്പകഞ്ചേരി.: മാനവ സമൂഹത്തെ ജീവിക്കാന് പ്രേരിപ്പിക്കുന്ന വിശുദ്ധ വേദ ഗ്രന്ഥമാണ് ഖുര്ആനെന്ന് വിസ്ഡം ഇസ്ലാമിക് ഓര്ഗനൈസേഷന് ഇന്ത്യയിലെ സൗദി എംബസിയുടെ സഹകരണത്തോടെ മലപ്പുറം ജില്ലയിലെ കുറുക്കോള് എമറാള്ഡ് പാലസില് സംഘടിപ്പിച്ച റമദാന് പഠന സംഗമം അഭിപ്രായപ്പെട്ടു. ചിന്തിക്കുവാനും, നന്മയിലധിഷ്ഠിതമായ ജീവിതം നയിക്കാനുമാണ് ഖുര്ആന് നല്കുന്ന അധ്യാപനങ്ങള്. വിശ്വാസ വിമലീകരണം, സാമ്പത്തിക വിശുദ്ധിയും നേടിയെടുക്കാന് സാധിക്കുക എന്നത് ഓരോ വിശ്വാസിയുടെയും ബാദ്ധ്യതയാണ്. തിന്മകള്ക്കെതിരെ നിലക്കൊള്ളുവാനും, പ്രവര്ത്തിക്കാനും ആഹ്വാനം ചെയ്യുന്നു എന്നതും വിശുദ്ധ ഖുര്ആനിന്റെ സവിശേഷതയാണെന്നും റമദാന് സംഗമം അഭിപ്രായപ്പെട്ടു.
ലഹരിയും അക്രമവാസനയും വര്ഗീയ ചിന്തകളും കൊലപാതകങ്ങളും സൃഷ്ടിക്കുന്ന ഭീകരാവസ്ഥയെപ്പറ്റി ശാസ്ത്രീയമായ പഠനം നടത്തണം. കടമകളും ഉത്തരവാദിത്വങ്ങളും മറന്ന് അതിരു കവിഞ്ഞ അവകാശവാദങ്ങളും സ്വതന്ത്ര ചിന്തയും പുതുതലമുറയെ വഴിതെറ്റിക്കുന്നുവെന്നും സംഗമം വിലയിരുത്തി.
വിസ്ഡം ഇസ്ലാമിക് ഓര്ഗനൈസേഷന് പണ്ഡിത സഭ ചെയര്മാന് കുഞ്ഞുമുഹമ്മദ് മദനി പറപ്പൂര് സംഗമം ഉദ്ഘാടനം ചെയ്തു. വിസ്ഡം സംസ്ഥാന വൈസ് പ്രസിഡന്റ് അബൂബക്കര് സലഫി അധ്യക്ഷത വഹിച്ചു. ജാമിഅ അല് ഹിന്ദ് ഡയറക്ടര് ഫൈസല് മൗലവി പുതുപ്പറമ്പ്, ഹംസ മദീനീ, ഡോ. മുഹമ്മദ് കുട്ടി കണ്ണിയന്, വിസ്ഡം ജില്ലാ സെക്രട്ടറി ഹനീഫ ഓടക്കല്, സലീം വളവന്നൂര്, അബ്ദുറഹിമാന് അടിയാട്ടില്, മുജീബ് മദനി ഒട്ടുമ്മല്, അബ്ദുല് കരീം മാസ്റ്റര്, ഹാരിസ് പന്താവൂര്, തുടങ്ങിയവര് സംസാരിച്ചു. സമൂഹത്തിന്റെ നാനാ തുറകളില്പ്പെട്ട ആളുകള്ക്ക് ഇഫ്താര് സംഗമത്തില് പങ്കാളികളായി.
Related News
