റിയാദ്: ഇസ്ലാമിക മതകാര്യമന്ത്രാലയത്തിന്റെ അംഗീകാരത്തോടെ, റമദാനിലെ മുഴുവന് ദിവസങ്ങളിലും റിയാദ് ഇന്ത്യന് സെന്റര് സംഘടിപ്പിക്കുന്ന സമൂഹ നോമ്പ്തുറ ബത്ഹയിലും, പരിസരപ്രദേശത്തുമുള്ള ഏറ്റവും സാധാരണക്കാരായ മലയാളികളെ ചേര്ത്തുപിടിച്ച് കൊണ്ടും, സംഘാടന മികവുകൊണ്ടും ശ്രദ്ധേയമാകുന്നു. റമദാനിന്റെ സ്നേഹ സന്ദേശമായ സഹജീവി സ്നേഹം വിളിച്ചോതി ആയിരത്തിനടുത്ത് ആളുകള്ക്ക് വ്യവസ്ഥാപിതമായ രീതിയില് ഇസ്ലാഹി സെന്റര് റമദാനിലെ എല്ലാ ദിനങ്ങളിലും ജനകീയ ഇഫ്താര് സംഘടിപ്പിക്കുന്നു.
ബത്ഹയിലെ റിയാദ് ഇന്ത്യന് ഇസ്ലാഹി സെന്റര് ഓഡിറ്റോറിയത്തില് നടത്തുന്ന സമൂഹ നോമ്പുതുറയില് വിവിധ തുറയില്പ്പെട്ട സാധാരണക്കാരായ ആയിരത്തിനടുത്ത് ആളുകള് ദിനേന പങ്കെടുക്കുന്നുണ്ട്. നാല്പതോളം ഇസ്ലാഹി സെന്റര് പ്രവര്ത്തകര് പൂര്ണ്ണ സജ്ജരായി നോമ്പ് തുറക്കാന് എത്തുന്നവര്ക്ക് എല്ലാ സൗകര്യങ്ങളും ഒരുക്കുന്നു. ഇസ്ലാഹി സെന്ററിന്റെ വിശാലമായ ഓഡിറ്റോറിയത്തില് ആദ്യം എത്തുന്ന 300 ഓളം ആളുകള്ക്ക് ദിനേന ഇരുന്ന് ഭക്ഷണം കഴിക്കുന്നതിനും അതിനുശേഷം വരുന്നവര്ക്ക് ഇഫ്താര് കിറ്റായും നോമ്പുതുറ വിഭവങ്ങള് വിതരണം ചെയ്യുന്നു. ബത്ഹ ദഅ്വ&അവൈര്നസ് സൊസൈറ്റിയുടെ സഹകരണത്തോടെയാണ് റമദാനിലെ മുഴുവന് ദിവസങ്ങളിലും ജനകീയ സമൂഹ നോമ്പുതുറ സംഘടിപ്പിക്കുന്നത്.
ദിനേനെ നോമ്പുതുറക്കത്തുന്ന പ്രവാസികള്ക്ക് വിജ്ഞാന ക്ലാസുകളും, മത്സരങ്ങള് സംഘടിപ്പിച്ചു സമ്മാനങ്ങളും നല്കുന്നു. ഇസ്ലാമിക ലഘുലേഖകളും, പാഠപുസ്തകങ്ങളും സൗജന്യമായി ഇഫ്താറില് വിതരണം ചെയ്യുന്നു. ഇഫ്താറില് പങ്കെടുക്കുന്ന എല്ലാവര്ക്കും പൂര്ണ്ണമായ സൗകര്യങ്ങള് ഒരുക്കുന്നതിന് സാധിച്ചുവെന്നും, കൂടുതല് മലയാളികള്ക്കിടയിലേക്ക് റമദാനിന്റെ സ്നേഹ സന്ദേശം എത്തിക്കുവാന് സമൂഹം നോമ്പുതുറക്ക് സാധിച്ചുവെന്നും ജി.സി.സി ഇസ്ലാഹി കോര്ഡിനേഷന് കമ്മിറ്റി കണ്വീനറും, ഇഫ്താര് ചെയര്മാനുമായ മുഹമ്മദ് സുല്ഫിക്കര്, ഇഫ്താര് കണ്വീനര് അബ്ദുല് വഹാബ് പാലത്തിങ്ങല്, വളണ്ടിയര് ക്യാപ്റ്റന് ഇഖ്ബാല് വേങ്ങര എന്നിവര് പറഞ്ഞു.
ഇഫ്താറില് പങ്കെടുത്തവര്ക്ക് ഇസ്ലാമിക വൈജ്ഞാനിക അറിവുകള് പകര്ന്നു നല്കുവാന് സാധിച്ചു എന്ന് ദഅവ കണ്വീനര് അബ്ദുസ്സലാം ബുസ്താനി, ബത്ഹ ദഅ്വ & അവൈര്നസ് സൊസൈറ്റി മലയാളവിഭാഗം മേധാവി മുഹമ്മദ് കുട്ടി കടന്നമണ്ണ എന്നിവര് അറിയിച്ചു. റിയാദ് ഇന്ത്യന് ഇസ്ലാഹി സെന്റര് പ്രവര്ത്തക സമിതി അംഗങ്ങളും, തെരഞ്ഞെടുത്ത ജനറല്ബോഡി അംഗങ്ങളും സമൂഹ നോമ്പ് തുറക്ക് നേതൃത്വം നല്കുന്നു.
Related News
