അല്കോബാര്: റാക്ക ഏരിയാ കെഎംസിസി അല്കോബാര് സംഘടിപ്പിച്ച റമദാന് സംഗമവും നൂറുകണക്കിന് ആളുകള് പങ്ക് കൊണ്ട ജനകീയ ഇഫ്താറും ശ്രദ്ധേയമായി. ആക്ടിംഗ് പ്രസിഡണ്ട് അബ്ദുല് റഷീദ് കരുനാഗപ്പള്ളിയുടെ അധ്യക്ഷതയില് നടന്ന സംഗമം അല്കോബാര് റാക്ക കേന്ദ്ര കമ്മിറ്റി ട്രഷറര് മൊയ്തുണ്ണി പാലപ്പെട്ടി ഉദ്ഘാടനം ചെയ്തു. സലീം ഹുദവി റമദാന് സന്ദേശം നല്കി.
സാമൂഹിക ജീവകാരുണ്യ രംഗത്തെ നിസ്തുല സംഭാവന നല്കിയ മദാരിസ് ഇന്റര്നാഷണല് എഡ്യുക്കേഷണല് അക്കാഡമി ചെയര്മാന് മുജീബ് ഈരാറ്റുപേട്ടക്ക്
ചടങ്ങില് കിഴക്കന് പ്രവിശ്യാ കെഎംസിസി ജനറല് സെക്രട്ടറി സിദ്ദീഖ് പാണ്ടികശാല റാക്ക കെഎംസിസി ഉപഹാരം സമ്മാനിച്ചു. സൗദി കെഎംസിസി സമൂഹ്യ സുരക്ഷാ പദ്ധതി 2025 ലെ മികച്ച ഏരിയാ കോര്ഡിനേറ്ററായ സഹല് പകരക്ക് അല്കോബാര് റാക്ക കേന്ദ്ര കമ്മിറ്റി ജനറല് സെക്രട്ടറി അന്വര് ഷാഫി വളാഞ്ചേരി ഉപഹാരം നല്കി. സൗദി കെഎംസിസി ദേശീയ സെക്രട്ടറി ആലിക്കുട്ടി ഒളവട്ടൂര്, പ്രവിശ്യാ കെഎംസിസി പ്രസിഡണ്ട് മുഹമ്മദ് കുട്ടി കോഡൂര് , ഭാരവാഹികളായ ഖാദര് മാസ്റ്റര് വാണിയമ്പലം, അബ്ദുല് മജീദ് കൊടുവള്ളി, ഒ പി ഹബീബ് ബാലുശ്ശേരി, അന്വര് നജീബ് ചീക്കിലോട് എന്നിവര് ആശംസകള് നേര്ന്നു.
റാക്ക ഏരിയാ കെഎംസിസി ജനറല് സെക്രട്ടറി കലാം മീഞ്ചന്ത സ്വാഗതവും അനസ് പകര നന്ദിയും പറഞ്ഞു. മാസ്റ്റര് ഇഹാന് സൈന് പാറക്കല് ഖിറാ അത്ത് നടത്തി. അല്കോബാര് കെഎംസിസി വനിതാവിഗും ഇഫ്താര് വിഭവങ്ങളൊരുക്കുന്നതില് ഭാഗഭാക്കായി. റാക്ക കെഎംസിസി നേതാക്കളായ ബീരാന് കുട്ടി ചേറൂര്, നിസാര് കൊല്ലം, മിര്ഷാദ് താനാളൂര്, ആഷിഖ് മണ്ണാര്ക്കാട്, ജമാല് കുറ്റ്യാടി, ആബിദ് പാറക്കല്, താജുദ്ധീന് പെരിന്തല്മണ്ണ, റൗഫ് മണ്ണാര്ക്കാട്, ശമ്മാസ് എന്നിവര് നേതൃത്വം നല്കി.
ഫോട്ടോ: റാക്ക കെഎംസിസി സംഘടിപ്പിച്ച റമദാന് സംഗമത്തില് ജീവകാരുണ്യ രംഗത്തെ സമഗ്ര സംഭാവനക്ക് മുജീബ് ഈരാറ്റുപേട്ടക്ക് സിദ്ദീഖ് പാണ്ടികശാല ഉപഹാരം കൈമാറുന്നു.
Related News
