കൊച്ചി: എമ്പുരാന്റെ സംവിധായകന് പൃഥ്വിരാജിനെയും തിരക്കഥാകൃത്ത് മുരളി ഗോപിയെയും അഭിനന്ദിച്ച് പ്രശസ്ത എഴുത്തുകാരന് ബെന്യാമിന്. ഫാസിസം ഇന്ത്യയില് എവിടെവരെ എത്തി എന്ന ചര്ച്ചകള് നടക്കുന്ന ഇക്കാലത്ത് അതിനെ അളക്കാനുള്ള ഒരു സൂചകമായി ഈ സിനിമ മാറിയെന്നും അദ്ദേഹം ഫേസ്ബുക്കില് കുറിച്ചു.
'പെരുമാള് മുരുകന്റെയും എസ് ഹരീഷിന്റെയും ദീപിക പദുക്കോണിന്റെയും അനുഭവങ്ങള് മുന്നിലുള്ളപ്പോഴും ആരെയാണ് ഉന്നം വയ്ക്കുന്നതെന്ന് കൃത്യമായി മനസിലാവുന്ന സീനുകള് ആലോചിക്കാനും ഉള്പ്പെടുത്താനും കാണിച്ച മനസിനെ അഭിനന്ദിക്കാതെ വയ്യ. നിര്മാതാക്കളുടെ താല്പ്പര്യം പ്രമാണിച്ച് ഇനി അവ മുറിച്ചുമാറ്റിയാലും അവ ഈ അന്തരീക്ഷത്തില് നിലനില്ക്കുക തന്നെ ചെയ്യും. മറന്നുകളഞ്ഞു എന്ന് വിചാരിച്ച ചിലത് ഓര്മിപ്പിച്ചതിന്റെ വേവലാതി ഈ സിനിമയ്ക്ക് പിന്നാലെ ആക്രമണ സ്വഭാവത്തോടെ ഓടുന്നവര്ക്കുണ്ട്. ചിലരെ വേവലാതിപ്പെടുത്തുകയും മുറിപ്പെടുത്തുകയും ആകുലതയില് ആക്കുകയും ദേഷ്യം പിടിപ്പിക്കുകയും ഒക്കെ തന്നെയാണ് കലയുടെ ദൗത്യം. എല്ലാവരെയും തൃപ്തിപ്പെടുത്തുക എന്നത് കലയുടെ ദൗത്യമല്ല. സ്വന്തം ആസനത്തില് ചൂടേറ്റാല് എല്ലാ ജാതി വാദികളുടെയും സ്വഭാവം ഒന്നുതന്നെ. ഇവറ്റകളുടെ പിന്തുണയില് നിന്നല്ല ധീരമായ രചനകള് ഉണ്ടാവേണ്ടത്. സ്വന്തം ആത്മവിശ്വാസത്തില് നിന്നും ബോധ്യത്തില് നിന്നുമാണ് അത് പിറക്കേണ്ടത്. അപ്പോള് ആരുടെ പിന്തുണ ഉണ്ടെങ്കിലും ഇല്ലെങ്കിലും തല ഉയര്ത്തി നില്ക്കാനാവും. അങ്ങനെ തല ഉയര്ത്തി നില്ക്കാന് കരുത്ത് കാണിച്ച മുരളിഗോപിക്കും പൃഥ്വിക്കും അഭിനന്ദനങ്ങള്.' ബെന്യാമിന് കുറിച്ചു.
Related News
