റിയാദ്: ഒഐസിസി റിയാദ് സെന്ട്രല് കമ്മിറ്റിയുടെ നേതൃത്വത്തില് നടന്നു വരുന്ന പ്രസംഗ കളരി ഒരിടവേളക്ക് ശേഷം പുനരാരംഭിച്ചു. ചടങ്ങ് റിയാദ് സെന്ട്രല് കമ്മിറ്റി പ്രസിഡന്റ് സലീം കളക്കര ഉദ്ഘാടനം ചെയ്തു. ഒഐസിസി നാഷണല് കമ്മിറ്റി ജനറല് സെക്രട്ടറിയും പ്രസംഗ കളരിയുടെ പരിശീലകനുമായ അഡ്വ.എല്.കെ അജിത്ത് അധ്യക്ഷത വഹിച്ച ചടങ്ങില് മാധ്യമ പ്രവര്ത്തകന് നസറുദ്ധീന് വി.ജെ മുഖ്യാത്ഥിയായി. ഒ.ഐ.സി.സി നാഷണല് കമ്മിറ്റി ജനറല് സെക്രട്ടറി സലീം അര്ത്തിയില്, സീനിയര് വൈസ് പ്രസിഡന്റ് മുഹമ്മദലി മണ്ണാര്ക്കാട്, ജനറല് സെക്രട്ടറി ഷംനാദ് കരുനാഗപള്ളി, ജില്ല ഭാരവാഹികളായ നാസര് വലപ്പാട്, ഹരീന്ദ്രന് കണ്ണൂര്, ഒമര് ഷരീഫ്, നസീര് ഹനീഫ, വഹീദ് വാഴക്കാട്, ജംഷീദ് തുവ്വൂര്, മൊയ്തീന് മണ്ണാര്ക്കാട്, സത്താര് ഓച്ചിറ, ബിനോയ് മത്തായി തുടങ്ങിയവര് ആശംസകള് നേര്ന്നു. സെന്ട്രല് കമ്മിറ്റി ഓഡിറ്റര് നാദിര്ഷാ റഹിമാന് സ്വാഗതവും മലപ്പുറം ജില്ല അധ്യക്ഷന് സിദ്ദീഖ് കല്ലുപറമ്പന് നന്ദിയും പറഞ്ഞു.
പരിപാടിയുടെ ഭാഗമായി നാട്ടിലെയും സൗദിയിലെയും സാമൂഹിക, സാംസ്കാരിക രംഗത്തെ പ്രമുഖര് അതോടൊപ്പം എഴുത്തുകാര്, മാധ്യമ രംഗത്തെ പ്രമുഖര് തുടങ്ങിയവര് പങ്കെടുക്കുന്ന വിത്യസ്ത വിഷയങ്ങളെ സംബന്ധിച്ച് കൊണ്ട് പഠന ക്ലാസുകളും ചര്ച്ചകളും നടക്കും. കൂടാതെ പ്രസംഗ കളരിയുടെ ഭാഗമായി പങ്കെടുക്കുന്നവര്ക്കായി പ്രസംഗ മത്സരങ്ങളടക്കം വിവിധ സെഷനുകള് ഉള്പ്പെടുത്തിയും, അതിലെ വിജയികള്ക്ക് വിത്യസ്തമായ നിരവധി സമ്മാനങ്ങള് നല്കുന്നതാണന്നും സംഘാടകര് പറഞ്ഞു.
ബത്ഹ സബര്മതിയില് വെച്ച് മാസത്തില് ഒന്നിടവിട്ട രണ്ട് ശനിയാഴ്ചകളിലായാണ് ക്ലാസുകള് നടക്കുക. റിയാദ് ഒ.ഐ.സി.സിയുടെ നേതൃത്വത്തില് നടക്കുന്ന പ്രസംഗ കളരി തികച്ചും സൗജന്യമാണ്. പരിപാടിയുടെ ഭാഗമാവുന്നതിന് ഒഐസിസി ജില്ല, സെന്ട്രല് കമ്മിറ്റി ഭാരവാഹികളുമായി നേരില് ബന്ധപ്പെടാവുന്നതാണ്.
ബൈജു വേങ്ങര, സാദിഖ് വടപുറം, ജംഷീര് ചെറുവണ്ണൂര്, സൈനുദ്ധീന് വല്ലപ്പുഴ, അലക്സാണ്ടര് കൊല്ലം, ഹാഷിം കണ്ണാടിപറമ്പ്, അന്സായി ഷൗക്കത്ത്, സന്തോഷ് ബാബു കണ്ണൂര്, നിഹാസ് പാലക്കാട്, റഫീഖ് വെട്ടിയാര്, സലീം വാഴക്കാട്, ഷംസീര് പാലക്കാട്, തല്ഹത്ത് ഹനീഫ തുടങ്ങിയവര് പരിപാടികള് നിയന്ത്രിച്ചു.
Related News
