റിയാദ്: 2025 ഏപ്രില്‍ 21 തിങ്കളാഴ്ച രേഖപ്പെടുത്തിയ താപനില ദേശീയ കാലാവസ്ഥാ നിരീക്ഷണ കേന്ദ്രം പുറത്തുവിട്ടു. റിപ്പോര്‍ട്ട് അനുസരിച്ച്, മക്കയിലാണ് ഏറ്റവും ഉയര്‍ന്ന താപനില രേഖപ്പെടുത്തിയത് - 40 ഡിഗ്രി സെല്‍ഷ്യസ്. മദീനയില്‍ 38 ഉം ജിദ്ദയില്‍ 37 ഉം രേഖപ്പെടുത്തി.

തലസ്ഥാന നഗരിയായ റിയാദിലും ബുറൈദയിലും 36 ഡിഗ്രി വരെ ചൂട് അനുഭവപ്പെട്ടു. ദമ്മാമില്‍ താപനില 34 ആയിരുന്നു, ഇത് നജ്റാനിലെയും സകാകയിലെയും താപനിലക്ക് സമാനമാണ്.

തെക്കന്‍ മേഖലകളില്‍, അബഹയാണ് ഏറ്റവും തണുപ്പുള്ള സ്ഥലം - പകല്‍ സമയത്ത് 26 ഡിഗ്രിയും രാത്രിയില്‍ 16 ഉം ആയിരുന്നു ഇവിടുത്തെ താപനില. അല്‍ ബഹയില്‍ 25 ഡിഗ്രി രേഖപ്പെടുത്തി. അതേസമയം, ജിസാനില്‍ താരതമ്യേന ഉയര്‍ന്ന ഈര്‍പ്പത്തോടുകൂടി 35 ഡിഗ്രി സെല്‍ഷ്യസ് താപനില രേഖപ്പെടുത്തി.