ന്യൂഡല്ഹി: പഹല്ഗാം ഭീകരാക്രമണത്തിനു ശക്തമായ മറുപടി നല്കാനൊരുങ്ങി് ഇന്ത്യ. തിരിച്ചടിക്കാന് സൈന്യത്തിന് പ്രധാനമന്ത്രി നരേന്ദ്ര മോദി പൂര്ണ സ്വാതന്ത്ര്യം നല്കിയതായതായാണ് റിപ്പോര്ട്ട്. തിരിച്ചടിക്കാനുള്ള രീതി, ലക്ഷ്യങ്ങള് ഏതൊക്കെ, തിരിച്ചടിക്കാനുള്ള സമയം എന്നിവ സേനകള്ക്ക് തീരുമാനിക്കാമെന്ന് പ്രധാനമന്ത്രി പറഞ്ഞു.
പ്രതിരോധ മന്ത്രി രാജ്നാഥ് സിങ്, ദേശീയ സുരക്ഷാ ഉപദേഷ്ടാവ് അജിത് ഡോവല്, സംയുക്ത സേന മേധാവി ജനറല് അനില് ചൗഹാന് എന്നിവരുമായി ഔദ്യോഗിക വസതിയില് പ്രധാനമന്ത്രി നടത്തിയ കൂടിക്കാഴ്ചയിലാണ് തീരുമാനം. 2019ലെ പുല്വാമ ആക്രമണത്തിനു ശേഷം രാജ്യം കണ്ട ഏറ്റവും വലിയ ഭീകരാക്രമണമായിരുന്നു പഹല്ഗാമിലേത്. 26 പേരാണ് ഭീകരരുടെ വെടിയേറ്റ് പഹല്ഗാമില് കൊല്ലപ്പെട്ടത്. യോഗം അവസാനിച്ചതിനു ശേഷം കേന്ദ്ര ആഭ്യന്തരമന്ത്രി അമിത് ഷാ പ്രധാനമന്ത്രിയുടെ വസതിയിലെത്തി കൂടിക്കാഴ്ച നടത്തി.
Related News
