ദുബായ്: ദുബായ് ആരോഗ്യ വിഭാഗത്തിന് കീഴില് 15 വര്ഷം സേവനം പൂര്ത്തിയാക്കിയ എല്ലാ നഴ്സുമാര്ക്കും ഗോള്ഡന് വിസലഭിക്കും. യുഎഇ ഉപപ്രധാനമന്ത്രിയും പ്രതിരോധമന്ത്രിയും ദുബായ് കിരീടാവകാശിയുമായ ഷെയ്ഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂമിന്റേതാണ് ഈ പ്രഖ്യാപനം.
ആരോഗ്യ പരിപാലനത്തിനും സമൂഹത്തിന്റെ ഭദ്രതയ്ക്കും സമര്പ്പിച്ചിരിക്കുന്ന ആരോഗ്യപ്രവര്ത്തകരുടെ സേവനമാണ് ഈ തീരുമാനത്തിന് പിന്നിലെ പ്രേരണ. രാജ്യാന്തര നഴ്സസ് ദിനമായ മേയ് 12ന് പ്രഖ്യാപിച്ച ഈ തീരുമാനം നഴ്സുമാര്ക്കും മറ്റ് ആരോഗ്യ പ്രവര്ത്തകര്ക്കുമായി ദുബായും യുഎഇയും നല്കിവരുന്ന പിന്തുണയുടെ ഏറ്റവും വലിയ തെളിവാണ്.
നഴ്സുമാരുടെ പ്രതിദിന സമര്പ്പണവും രോഗികളോടുള്ള പരിചരണ മനോഭാവവും ഷെയ്ഖ് ഹംദാന് പ്രശംസിച്ചു. മികച്ച സേവനം നല്കുന്നവരെയും സമര്പ്പണത്തോടെ സമൂഹത്തെ സേവിക്കുന്നവരെയും ദുബായ് എപ്പോഴും ആദരിക്കുമെന്നും വ്യക്തമാക്കി. യുഎഇയിലെ ആരോഗ്യമേഖലയില് സേവനം ചെയ്യുന്നത് ഭൂരിഭാഗവും മലയാളികളാണ്. ഇവര്ക്ക് പുതിയ പ്രഖ്യാപനം ഏറെ ആശ്വാസകരമാകും.
മികച്ച സേവനം കാഴ്ചവെക്കുന്നവരെ ഇതിനു മുന്പും ആദരിച്ചിട്ടുണ്ട്. 2021 നവംബറില് മുന്നണിപ്പോരാളികള്ക്കും അവരുടെ കുടുംബങ്ങള്ക്കും ഗോള്ഡന് വിസ അനുവദിക്കാന് സര്ക്കാര് ഉത്തരവിട്ടിരുന്നു. അതോടൊപ്പം, 2024 ഒക്ടോബര് 5-ന് ലോക അധ്യാപകദിനത്തില് ദുബായിലെ മികച്ച സ്വകാര്യ അധ്യാപകര്ക്കും ഗോള്ഡന് വിസ അനുവദിച്ചിരുന്നു.
Related News
