ജിദ്ദ: രാജകീയ ഉത്തരവിലൂടെ തങ്ങളുടെ പുതിയ പദവികളിലേക്ക് നിയമിതരായ വര് ഇന്ന് ജിദ്ദയിലെ അല്-സലാം കൊട്ടാരത്തില് തിരുഗേഹങ്ങളുടെ സേവകന് സല്മാന് ബിന് അബ്ദുല് അസീസ് രാജാവിന് മുമ്പാകെ സത്യപ്രതിജ്ഞ ചെയ്ത് അധികാരമേറ്റു.
ജിസാന് മേഖലയുടെ ഡെപ്യൂട്ടി ഗവര്ണറായി നിയമിതനായ നാസര് ബിന് മുഹമ്മദ് ബിന് അബ്ദുല്ല ബിന് ജലാവി രാജകുമാരന്, ഖസിം മേഖലയുടെ ഡെപ്യൂട്ടി ഗവര്ണര് ഫഹദ് ബിന് സാദ് ബിന് ഫൈസല് ബിന് സാദ് രാജകുമാരന്, ജിസാന് മേഖലയുടെ ഗവര്ണര്, മുഹമ്മദ് ബിന് അബ്ദുല് അസീസ് ബിന് മുഹമ്മദ് ബിന് അബ്ദുല് അസീസ് രാജകുമാരന് എന്നിവരാണ് സത്യപ്രതിജ്ഞ ചെയ്തത്.
'ഞാന് സര്വ്വശക്തനായ അല്ലാഹുവിനാല് സത്യം ചെയ്യുന്നു, എന്റെ മതത്തോടും, എന്റെ രാജാവിനോടും, എന്റെ രാജ്യത്തോടും വിശ്വസ്തനായിരിക്കുമെന്നും, രാജ്യത്തിന്റെ രഹസ്യങ്ങള് വെളിപ്പെടുത്തുകയില്ലെന്നും, അതിന്റെ താല്പ്പര്യങ്ങളും സംവിധാനങ്ങളും സംരക്ഷിക്കുമെന്നും, എന്റെ ചുമതലകള് സത്യസന്ധതയോടും, നീതിബോധത്തോടും, ആത്മാര്ത്ഥതയോടും, വിശ്വസ്തതയോടും കൂടി നിര്വഹിക്കുമെന്നും' ഖുര്ആനില് കൈവെച്ച് ഇവര് സത്യപ്രതിജ്ഞ ചൊല്ലി.
ആഭ്യന്തര മന്ത്രി അബ്ദുല് അസീസ് ബിന് സൗദ് ബിന് നായിഫ് ബിന് അബ്ദുല് അസീസ് രാജകുമാരന്, സല്മാന് രാജാവിന്റെ ഡപ്യൂട്ടി പ്രൈവറ്റ് സെക്രട്ടറി തമീം ബിന് അബ്ദുല് അസീസ് അല്-സലേം എന്നിവരും സത്യപ്രതിജ്ഞാ ചടങ്ങില് സന്നിഹിതരായിരുന്നു.
Related News
