ബുറൈദ: ആതുര സേവന രംഗത്ത് മികച്ച സേവനങ്ങൾ നൽകിയിട്ടുള്ള നഴ്സമ്മാരെ തിരഞ്ഞെടുത്ത് ആദരിച്ചു. സർക്കാർ സ്വകാര്യ ക്ലിനിക്ക് എന്നിവിടങ്ങളിലെ നഴ്സമ്മാരെയാണ് ആദരിച്ചത്. നഴ്സസ് ദിനത്തിൻ്റെ ഭാഗമായി ബുറൈദ സിറ്റിഫ്ളവർ, ഇശൽ ബുറൈദയും സംയുക്തമായി സംഘടിപ്പിച്ച പരിപാടിയിൽ മലയാളി കുടുംബ സംഗമവും കുട്ടികളുടെ മത്സരയിനങ്ങളും വനിതകളുടെ മെഹന്തി മത്സരവും വിവിധ കലാപരിപാടികളും സിറ്റി ഫ്ളവർ ഓഡിറ്റോറിയത്തിൽ നടന്നു.

നഴ്സമ്മാർക്കുള്ള ഫലകങ്ങൾ അൽഖസിം പ്രിൻസ് സുൽത്താൻ കാർഡിയോളജി വിഭാഗം ഡോക്ടർ ഗൗതം, അൽ ഖസിം യൂണിവേഴ്സിറ്റിയിലെ ഡോക്ടർ സുഹാജ് എന്നിവർ സമ്മാനിച്ചു.
ഇശൽ ബുറൈദയുടെ കലാപരിപാടികൾ മലയാളി കുടുബങ്ങളെ ആനന്ദിപ്പിച്ചു. സിറ്റി ഫ്ളവർ പി ആർ ഒ ഫഹദ് അൽ ദായിൻ, മാനേജർ ഷെഹിൻ, ബി പി ഗ്ലോളബൽ വിങ് വൈസ് ചെയർമാൻ അൻസാർ തോപ്പിൽ, യാരാ സൂട്ട് മാനേജർ മൻസൂർ അലി പൊതുപ്രവർത്തകരായ സലാം പാറാട്ടി, അബ്ദു കീച്ചേരി, ഇശൽ ബുറൈദയുടെ ഗായകരായ ജോസഫ്, അൻവർ, നിബി, തുടങ്ങിയവർ നേതൃത്വം നൽകി. മത്സര വിജയികളായ എസ്തർ മരിയ, ജോസഫ്, ആൻസിയ അൻസർ, റൈഹാന ഷഫീക്ക്, ഫാത്തിമ്മ സിയ, മുവാദ്, അബൂൾബാരി എന്നിവർക്ക് ഹാജിറ, അമീനത്ത്, വഫ, തുടങ്ങിയവർ സമ്മാനങ്ങൾ വിതരണം ചെയ്തു.

_ഇക്ബാൽ പള്ളിമുക്ക്