ജിദ്ദ- സംഗീതത്തിന്റെയും സംസ്കാരത്തിന്റെയും നിറവില് ഇസ്ലാമിക് ആര്ട്സ് ബിനാലെ 2025-ന് കൊടിയിറങ്ങി. ബിനാലെയുടെ സമാപനത്തോടനുബന്ധിച്ച് ഈയാഴ്ച രണ്ട് സംഗീത കച്ചേരികളും ഒരു സാംസ്കാരിക ഫോറവും സംഘടിപ്പിച്ചിരുന്നു.
'റൂഹ് അല്-ഷര്ഖ്' (റൂഹ് ഓഫ് ദി ഈസ്റ്റ്) ഗായകസംഘം അവതരിപ്പിച്ച സംഗീത കച്ചേരികളായിരുന്നു സമാപന വാരത്തിലെ പ്രധാന ആകര്ഷണം. ഈ ഗായകസംഘം പരമ്പരാഗതവും ആധുനികവുമായ സംഗീത ശൈലികള് സമന്വയിപ്പിച്ച് അറബ് ലോകത്തിന്റെ ആത്മാവിനെ പ്രതിഫലിപ്പിക്കുന്ന ഗാനങ്ങളാണ് അവതരിപ്പിച്ചത്.
സംഗീത കച്ചേരികള്ക്ക് പുറമെ, ഒരു സാംസ്കാരിക ഫോറവും സംഘടിപ്പിച്ചിരുന്നു. ഇസ്ലാമിക കലകളുടെ പ്രാധാന്യം, ഭാവി സാധ്യതകള്, സാംസ്കാരിക കൈമാറ്റം എന്നിവയെക്കുറിച്ച് ചര്ച്ചകള് നടക്കും. പ്രമുഖ കലാകാരന്മാര്, പണ്ഡിതന്മാര്, സാംസ്കാരിക പ്രവര്ത്തകര് എന്നിവര് ഫോറത്തില് പങ്കെടുത്തു.
വമാ ബയ്നഹുമാ എന്ന പ്രമേയത്തില് നടന്ന ഇസ്ലാമിക് ബിനാലെ രണ്ടാം പതിപ്പിന് വന് സ്വീകാര്യതയാണ് ലഭിച്ചത്. അഞ്ചുമാസമായി തുടരുന്ന ബിനാലെ ലക്ഷക്കണക്കിനാളുകള് സന്ദര്ശിച്ചു. ഇന്ത്യന് സ്പര്ശമുള്ള നിരവധി കലാരൂപങ്ങള് ഇത്തവണ ബിനാലെക്ക് മാറ്റുകൂട്ടി. പ്രമുഖ മലയാളി ക്യുറേറ്ററും ചിത്രകാരനുമായ ബോസ് കൃഷ്്ണമാചാരിയുടെ സാന്നിധ്യവും സമാപന വാരത്തില് ഇസ്്ലാമിക് ബിനാലെക്ക് പ്രൗഢിയേകി.
Related News
