ദമാം: ജുബൈല് ഒഐസിസി കുടുംബവേദിയുടെ നേതൃത്വത്തില്, ജുബൈലിലെ പത്തും പന്ത്രണ്ടും ക്ലാസുകളില് ഉന്നത വിജയം നേടിയ വിദ്യാര്ത്ഥികള്ക്ക് എക്സലന്സ് അവാര്ഡുകള് വിതരണം ചെയ്തു. ഡ്യൂണ്സ് ഇന്റര്നാഷനല് സ്കൂള് ഓഡിറ്റോറിയത്തില് വെച്ച് നടന്ന പരിപാടിയില് ജുബൈലിലെ വിവിധ സിബിഎസ്ഇ സ്കൂളുകളിലെ ഒന്നാം സ്ഥാനക്കാരെയും ഉന്നത വിജയം നേടിയ മറ്റ് മലയാളി വിദ്യാര്ത്ഥികളെയും ഒഐസിസി കുടുംബാംഗങ്ങളുടെ കുട്ടികളെയുമാണ് അവാര്ഡ് നല്കി ആദരിച്ചത്.
ഓഐസിസി ജുബൈല് ഏരിയ പ്രസിഡന്റ് നജീബ് നസീര് ഉദ്ഘാടനം ചെയ്ത പരിപാടിയില്, ജുബൈല് ഇന്ത്യന് സ്കൂള് ചെയര്മാന് ആര് ടി ആര് പ്രഭു, പ്രിന്സിപ്പnd] ഡോക്ടര് നിഷ മധു, തനിമ ജുബൈല് പ്രസിഡന്റും, മാനേജ്മെന്റ് കമ്മിറ്റി മെമ്പറും മുന് ചെയര്മാനുമായ ഡോക്ടര് ജൗഷീദ് പി കെ, ഡ്യൂണ്സ് പ്രിന്സിപ്പnd] മുഹമ്മദ് ആമിര് ഖാന്, ഒഐസിസി ഈസ്റ്റേണ് പ്രൊവിന്സ് ജനറല് സെക്രട്ടറി ഷിഹാബ് കായംകുളം, വൈസ് പ്രസിഡന്റ് വില്സണ് തടത്തില്, നാഷണല് കമ്മിറ്റി സെക്രട്ടറി നസീര് തുണ്ടില്, ജുബൈല് വൈസ് പ്രസിഡന്റുമാരായ റിയാസ് എന് പി, അന്ഷാദ് ആദം, വനിതാ വേദി പ്രസിഡന്റ് ലിബി ജയിംസ് എന്നിവര് സംസാരിച്ചു.
കലാപരിപാടികളുടെ അകമ്പടിയോട് കൂടിയും പ്രൗഢഗംഭീരവുമായി നടന്ന പരിപാടി വിദ്യാര്ത്ഥികളുടേയും രക്ഷിതാക്കളുടെയും വന് പങ്കാളിത്തം കൊണ്ട് ശ്രദ്ധേയമായി. സിജി ജുബൈല് ചാപ്റ്റര് ആപ്റ്റിറ്റിയൂഡ് ടെസ്റ്റും കരിയര് ഗൈഡന്സും നടത്തി. കുടുംബവേദി പ്രസിഡന്റ് അജ്മല് താഹയുടെ അധ്യക്ഷതയില് ചേര്ന്ന ചടങ്ങില് ജനറല് സെക്രട്ടറി നജ്മുന്നിസ അലി സ്വാഗതവും കണ്വീനര് സമീന അന്ഷാദ് നന്ദിയും പറഞ്ഞു. പരിപാടിക്ക് അരുണ് കല്ലറ, ഷമീം ഇരുമ്പഴി, ഉസ്മാന് കുന്നംകുളം, മഹേഷ് വിനായക്, ജയിംസ് കൈപ്പള്ളിയില്, വൈശാഖ് മോഹന്, റിനു മാത്യു, മൂര്ത്തദ, മനോജ് കുമാര്, പ്രിയ അരുണ്, ഷലൂജ ഷിഹാബ്, സുമയ്യ അജ്മല്, പ്രിയ മനോജ് എന്നിവര് നേതൃത്വം നല്കി.
