ദുബായ്:: ജിസിസി രാജ്യങ്ങള് സന്ദര്ശിക്കുന്നതിന് ഏകീകൃത ടൂറിസ്റ്റ് വിസ എന്ന ആശയം യാഥാര്ഥ്യത്തിലേക്ക്. ഈ വര്ഷം അവസാനത്തോടെ ഇതു പ്രാവര്ത്തികമാവുമെന്നാണ് സൂചന. യുഎഇ, സൗദി അറേബ്യ, കുവൈത്ത്, ഖത്തര്, ബഹ്റൈന്, ഒമാന് രാജ്യങ്ങളുടെ ആഭ്യന്തര മന്ത്രാലയങ്ങള് വിവരങ്ങള് കംപ്യൂട്ടര് ശൃംഖലയില് ചേര്ക്കുന്നതു പൂര്ത്തിയാകുന്നതോടെ ഈ വര്ഷാവസാനം തന്നെ ഒറ്റ വിസയില് തന്നെ 6 ഗള്ഫ് രാജ്യങ്ങളും വിനോദ സഞ്ചാരികള്ക്ക് സന്ദര്ശിക്കാനാകും.
പദ്ധതി എത്രയും വേഗം പ്രാവര്ത്തികമാക്കണമെന്ന നിര്ദേശം കുവൈത്തില് ചേര്ന്ന ജിസിസി വിദേശ കാര്യമന്ത്രിമാരുടെ യോഗത്തില് ഉണ്ടായി. ഷെന്ഗന് വിസ മാതൃകയില് ഏകീകൃത വിസ വരുന്നതോടെ ഗള്ഫ് രാജ്യങ്ങളിലേക്ക് കൂടുതല് വിനോദ സഞ്ചാരികള് എത്തുമെന്നാണു പ്രതീക്ഷിക്കുന്നത്. ഓരോ രാജ്യം സന്ദര്ശിക്കാനും പ്രത്യേക വിസ എടുക്കുന്ന നിലവിലെ രീതി ഇതോടെ ഒഴിവാകും.
ഗള്ഫിലെ വിനോദസഞ്ചാര, വാണിജ്യ, വ്യാപാര സാമ്പത്തിക മേഖലകള്ക്കും പുതിയ വിസ നയം കരുത്തേകും. വിവിധ രാജ്യങ്ങളിലെ വിനോദസഞ്ചാര കേന്ദ്രങ്ങള് കോര്ത്തിണക്കി പുതിയ ടൂറിസം പാക്കേജുകള് തയാറാക്കുന്ന നടപടികള്ക്ക് ട്രാവല് ടൂറിസം ഏജന്സികളും തുടക്കമിട്ടു.
Related News
