അറഫ: ദൈവ സ്തുതികളിലും പ്രാര്ഥനകളിലും മുഴുകി കഴിയുകയാണ് അറഫായില് കഴിഞ്ഞ തീര്ഥാടകലക്ഷങ്ങള് സൂര്യാതമയത്തോടെ മുസദലിഫെ ലക്ഷ്യമാക്കി നീങ്ങാന് തുടങ്ങി. ഇന്നു രാത്രി ആകാശത്തിനു കീഴില് മുസ്ദലിഫിലാണ് ഹാജിമാര് തങ്ങുക. അവിടെ വെച്ച് അവര് മഗ്രിബ് ഇശാ നമസ്കാരങ്ങള് ഒരുമിച്ച് നിര്വഹിക്കുകയും, പ്രഭാതം വരെ രാപാര്ക്കുകയും ചെയ്യും. പ്രവാചകന് തിരുമേനി അവിടെ രാപാര്ക്കുകയും ഫജര് നമസ്കരിക്കുകയും ചെയ്തതിന്റെ ചര്യ പിന്തുടര്ന്നാണിത്. പ്രഭാതത്തോടെ മുസ്ദലിഫയില്നിന്നു ശേഖരിച്ച കല്ലുകളുമായി മിനായില് തിരിച്ചെത്തി സാത്താന്റെ പ്രതീകമായ ജംറയില് കല്ലെറിയും.
അറഫയിലൊരുക്കിയ താല്ക്കാലിക തമ്പുകളില് പാപമോചനത്തിനായി വിശ്വാസികള് കണ്ണീരൊഴുക്കിയാണ് പ്രാര്ഥിച്ചത്. ഭൗതികമായ ആലോചനകളില്നിന്നും സംസാരങ്ങളില്നിന്നും ഒഴിവായി പൂര്ണമായും അല്ലാഹുവിലര്പ്പിച്ച് സന്ധ്യ വരെ തീര്ഥാടകര് അറഫയില് കഴിഞ്ഞു. രോഗികളായ ഹാജിമാരെ ആംബുലന്സുകളില് അറഫയിലെത്തിച്ച് അറഫാ സംഗമത്തില് പങ്കെടുപ്പിച്ചു. കേരളത്തില്നിന്നുള്ള ഹാജിമാരില് 14 പേരെ ആംബുലന്സിലാണ് അറഫയിലെത്തിച്ചത്. 17 ലക്ഷത്തില്പരം തീര്ഥാടകരാണ് ഈ വര്ഷം ഹജ് നിര്വഹിക്കുന്നത്.
Related News
