ജിദ്ദ നവോദയയുടെ നേതൃത്വത്തില് ജിദ്ദയില് നിലമ്പൂര് ഉപതെരഞ്ഞെടുപ്പ് കണ്വെന്ഷന് സംഘടിപ്പിച്ചു. രക്ഷാധികാരി സമിതി അംഗം കെ. വി. മൊയ്തീന്റെ അധ്യക്ഷതയില് ചേര്ന്ന യോഗത്തില് നവോദയ പ്രസിഡന്റ് കിസ്മത്ത് മമ്പാട് കണ്വെന്ഷന് ഉദ്ഘാടനം ചെയ്തു. സ്വരാജിനെ വിജയിപ്പിക്കേണ്ടതിന്റെ ആവശ്യകതയെ കുറിച്ചും ഉത്തരവാദിത്തത്തെ കുറിച്ചും അദ്ദേഹം ചൂണ്ടികാട്ടി. സ്വരാജിന്റെ വിജയം ഒരു മൂന്നാം ഭരണ തുടര്ച്ചയുടെ തുടക്കമായിരിക്കുമെന്നും കിസ്മത്ത് കൂട്ടിച്ചേര്ത്തു.
നാട്ടില് നിന്നും ഓണ്ലൈനില് എം. സ്വരാജ് കണ്വെന്ഷനെ അഭിസംബോധന ചെയ്തു. നിലമ്പൂരിന്റെ വികസനത്തില് പുതിയ അധ്യായങ്ങള്ക്ക് തുടക്കം കുറിക്കേണ്ടത്തിന്റെ ആവശ്യകതെയെ കുറിച്ച് അദ്ദേഹം സംസാരിച്ചു. കേരളത്തോടൊപ്പം നിലമ്പൂരും നിലയുറപ്പിക്കുമെന്നും അദ്ദേഹം പ്രത്യാശ പ്രകടിപ്പിച്ചു. പ്രവാസ ലോകത്തെ നിലമ്പൂര് മണ്ഡലത്തിലെ പറ്റാവുന്ന ആളുകള് നാട്ടിലെത്തി തെരഞ്ഞെടുപ്പ് പോരാട്ടത്തില് പങ്കാളികളാകുവാന് അദ്ദേഹം അഭ്യര്ഥിച്ചു. നമുക്ക് ഒരുമിച്ച് പോരാടാം നമുക്ക് ഒരുമിച്ച് വിജയിക്കാമെന്നും സ്വരാജ് കൂട്ടിച്ചേര്ത്തു.
നവോദയ ആക്റ്റിംഗ് മുഖ്യരക്ഷാധികാരി അബ്ദുള്ള മുല്ലപ്പള്ളി ചെയര്മാനായും, ബഷീര് നിലമ്പൂരിനെ കണ്വീനറായും കണ്വെന്ഷന് തെരഞ്ഞെടുത്തു.
യോഗത്തില് നിലമ്പൂരില് നിന്നുള്ള വോട്ടര്മാരുടെ അഭിപ്രായങ്ങളും, നിര്ദേശങ്ങളും കണ്വെന്ഷന് രേഖപെടുത്തി. നാസര് കരുളായി, സാജിദ് നിലമ്പൂര്, ജംഷിദ് , ഷഫീക്ക്, ജമാലുദ്ധീന് തുടങ്ങിയവര് സംസരിച്ചു. നിലമ്പൂരുമായി ബന്ധപ്പെട്ട് നവോദയ നടത്തുന്ന പ്രവര്ത്തനങ്ങളുടെ മാര്ഗരേഖ ചെയര്മാന് അബ്ദുള്ള മുല്ലപ്പള്ളി അവതരിപ്പിച്ചു. നവോദയ ആക്റ്റിംഗ് ജനറല്സെക്രട്ടറി മുഹമ്മദ് മേലാറ്റൂര് സ്വാഗതവും കണ്വീനര് ബഷീര് നിലമ്പൂര് നന്ദിയും പറഞ്ഞു.
ഫോട്ടോ: ജിദ്ദ നവോദയ നിലമ്പൂര് ഉപതെരഞ്ഞെടുപ്പ് കണ്വെന്ഷന് നവോദയ പ്രസിഡന്റ് കിസ്മത്ത് മമ്പാട് ഉദ്ഘാടനം ചെയ്യുന്നു.
Related News
