കുവൈത്ത് സിറ്റി: കുവൈത്തിന് പുറത്തുപോകാന് സ്വകാര്യ മേഖലയില് തൊഴില് ചെയ്യുന്ന പ്രവാസികള്ക്കും എക്സിറ്റ് പെര്മിറ്റ് നിര്ബന്ധം. പുതിയ നിയമം ജൂലൈ ഒന്ന് മുതല് പ്രാബല്യത്തില് വരും. ഇതോടെ എക്സിറ്റ് പെര്മിറ്റില്ലാതെ കുവൈത്തില് നിന്ന് ഇതര രാജ്യങ്ങളിലേക്ക് പ്രവാസികള്ക്ക് യാത്ര ചെയ്യാന് കഴിയില്ല. നേരത്തെ ഗവണ്മെന്റ് മേഖലയില് മാത്രമുണ്ടായിരുന്നു നിയന്ത്രണം സ്വകാര്യ മേഖലയിലും വ്യാപിപ്പിക്കുകയാണ്.
തൊഴിലുടമയെ അറിയിക്കാതെ അനധികൃതമായി രാജ്യം വിടുന്നത് ഒഴിവാക്കാനാണ് പുതിയ നിയമം. തൊഴിലാളികളുടെയും തൊഴിലുടമകളുടെയും അവകാശങ്ങള് സംരക്ഷിക്കാനും പ്രവാസികളുടെ സഞ്ചാരം നിരീക്ഷിക്കാനുമുള്ള ശ്രമങ്ങളുടെ ഭാഗമാണിത്. ഫസ്റ്റ് ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് അല്യൂസഫ് പുറപ്പെടുവിച്ച മന്ത്രിതല സര്ക്കുലറിലാണ് ഇക്കാര്യം അറിയിച്ചത്. രാജ്യം വിടുന്നതിന് മുമ്പ് എല്ലാ പ്രവാസി തൊഴിലാളികളും എക്സിറ്റ് പെര്മിറ്റ് നേടണമെന്ന് നിയമം നിര്ദേശിക്കുന്നു.
സ്ഥിരമായോ താല്ക്കാലികമായോ കുവൈത്തില് നിന്ന് പുറത്തുപോകുന്ന പ്രവാസികളും എക്സിറ്റ് പെര്മിറ്റ് വാങ്ങണം. തൊഴിലാളിയുടെ വ്യക്തിഗത വിവരങ്ങള്, യാത്രാ തീയതി, ഗതാഗത രീതി എന്നിവ എക്സിറ്റ് പെര്മിറ്റ് അപേക്ഷയില് രേഖപ്പെടുത്തണമെന്ന് പബ്ലിക് അതോറിറ്റി ഫോര് മാന്പവര് അറിയിച്ചു.
Related News
