ദോഹ: കെനിയയില് ബസ്സപകടത്തില് മരിച്ച മലയാളികളുടെ മൃതദേഹങ്ങള് നാളെ നാട്ടിലെത്തുമെന്ന് വിവരം. നെയ്റോബിയില് എത്തിച്ച മൃതദേഹങ്ങള് നടപടിക്രമങ്ങള് പൂര്ത്തിയാക്കിയ ശേഷം നാളെ നാട്ടിലേക്കയക്കുമെന്നാണ് ലഭ്യമാകുന്ന വിവരം. അപകടത്തില് ഗുരുതരമായി പരിക്കേറ്റവരെ അഞ്ച് പേരെ ഹെലികോപ്റ്റര് വഴിയും മറ്റുള്ളവരെ റോഡ് മാര്ഗവും നകുരുവില് നിന്ന് നെയ്റോബിയില് എത്തിച്ചിട്ടുണ്ട്.
അപകടത്തില് മരിച്ച പേഴയ്ക്കാപ്പിള്ളി കുറ്റിക്കാട്ടുചാലില് ജസ്നയുടെ മാതാപിതാക്കള് സഹോദരന് ജസീമിനൊപ്പം ദുബായിലാണു താമസിക്കുന്നത്. സഹോദരി ജാസ്മിനും കുടുംബസമേതം ദുബായിലാണ്. ഇവര് നാട്ടിലേക്ക് തിരിച്ചിട്ടുണ്ട്. ജസ്ന(29)യുടെ ഒന്നര വയസ്സ് പ്രായമുള്ള മകള് റൂഹി മെഹ്റിനും അപകടത്തില് മരിച്ചിരുന്നു. ജസ്നയുടെ ഭര്ത്താവ് മുഹമ്മദ് ഹനീഫയ്ക്കും ഗുരുതരമായി പരുക്കേറ്റിട്ടുണ്ട്.
തൃശൂര് വെങ്കിടങ്ങ് സ്വദേശി മുഹമ്മദ് ഹനീഫയ്ക്കൊപ്പം ഖത്തറിലാണു ജസ്ന താമസിച്ചിരുന്നത്. സിഎ പഠനം പൂര്ത്തിയാക്കിയ ജസ്ന ഖത്തറിലെ സ്വകാര്യ കമ്പനിയില് ജീവനക്കാരിയായിരുന്നു. ബലിപെരുന്നാള് ദിവസമായ ജൂണ് 6-ന് എല്ലാവര്ക്കും പെരുന്നാള് ആശംസകള് നേര്ന്ന ശേഷം ഇവര് കെനിയയിലേക്ക് തിരിച്ചത്.
ഖത്തറില് നിന്നുള്ള വിനോദയാത്രാ സംഘത്തിലെ മൂന്ന് വനിതകളും രണ്ട് കുട്ടികളും ഉള്പ്പെടെ അഞ്ച് മലയാളികളാണ് അപകടത്തില് മരിച്ചത്. പാലക്കാട് കോങ്ങാട് മണ്ണൂര് പുത്തന്പുര രാധാകൃഷ്ണന്റെ മകള് റിയ ആന് (41), മകള് ടൈറ (എട്ട്), തൃശൂര് സ്വദേശികളായ ജസ്ന കുറ്റിക്കാട്ടുചാലില് (29), മകള് റൂഹി മെഹ്റിന് (ഒന്നര വയസ്സ് ), തിരുവനന്തപുരം സ്വദേശിനിയായ ഗീത ഐസക് (58) എന്നിവരാണ് മരിച്ചത്.
Related News
