റിയാദ്: ഇസ്രായേല് ഇറാന് വ്യോമാക്രമണ പശ്ചാത്തലത്തില് നിരവധി രാജ്യങ്ങള് വ്യോമാതിര്ത്തികള് താല്ക്കാലികമായി അടച്ചതിനാല് വിമാന സര്വിസ് ഷെഡ്യൂളുകള് മാറാന് സാധ്യതയുണ്ടെന്നും അതിനാല് യാത്ര ഉദ്ദേശിക്കുന്ന വിമാന കമ്പനികളുമായി ബന്ധപ്പെട്ട് യാത്ര ക്രമീകരിക്കണമെന്നും സൗദി അറേബ്യയിലെ വിമാനത്താവള മാനേജുമെന്റുകള് അറിയിച്ചു.
വ്യാമാതിര്ത്തികളില് വിലക്ക് വന്ന സാഹചര്യത്തില് നിലവില് വിമാന സര്വിസുകള്ക്കു തടസ്സങ്ങള് നേരിടുന്നുണ്ട്. അതുകൊണ്ട് സൗദിയില്നിന്ന് വിദേശ രാജ്യങ്ങളിലേക്ക് പോകാന് ടിക്കറ്റ് ബുക്ക് ചെയ്തിട്ടുള്ള എല്ലാ യാത്രക്കാരും അതത് വിമാന കമ്പനികളുമായി നേരിട്ട് ബന്ധപ്പെട്ട് നിലവിലെ സ്ഥിതി മനസിലാക്കണം. അതനുസരിച്ച് യാത്ര ക്രമീകരിക്കണമെന്നും വിവിധ സൗദി എയര്പ്പോര്ട്ടുകളുടെ മാനേജ്മെന്റുകള് സംയുക്ത പ്രസ്താവനയില് പറഞ്ഞു.
ജിദ്ദയിലെ കിങ് അബ്ദുല് അസീസ് അന്താരാഷ്ട്ര വിമാനത്താവളം, റിയാദ് കിങ് ഖാലിദ് അന്താരാഷ്ട്ര വിമാനത്താവളം, ദമ്മാം കിങ് ഫഹദ് അന്താരാഷ്ട്ര വിമാനത്താവളം എന്നിവയുടെ മാനേജ്മെന്റാണ് മുഴുവന് യാത്രക്കാരോടും വിമാനത്താവളത്തിലേക്ക് പുറപ്പെടുന്നതിന് മുമ്പ് അതത് വിമാനങ്ങളുടെ നിലവിലെ ഷെഡ്യൂളും എന്തെങ്കിലും അടിയന്തര മാറ്റങ്ങള് ഉണ്ടോയെന്നും പരിശോധിക്കാന് ആവശ്യപ്പെട്ടിട്ടുണ്ട്. യാത്രാ തീയതികള് പെട്ടെന്ന് റദ്ദാക്കുകയോ മാറ്റിവയ്ക്കുകയോ ചെയ്യുന്നത് മൂലമുണ്ടാകുന്ന ബുദ്ധിമുട്ട് ഒഴിവാക്കാനാണ് ഈ മുന്നറിയിപ്പ് എന്നും പ്രസ്താവനയില് വിശദീകരിച്ചു.
Related News
