റിയാദ്: ഇടവേളക്കു ശേഷം സൗദിയിലേക്കുള്ള വിസിറ്റിംഗ് വിസ വീണ്ടും അനുവദിച്ചു തുടങ്ങിയെങ്കിലും സമയ പരിധിയെ കുറിച്ചുള്ള ആശയക്കുഴപ്പം തുടരുന്നു. ഒരു വര്ഷത്തെ മള്ട്ടിപ്പിള് എന്ട്രി വിസ ആണോ സിംഗിള് എന്ട്രി വിസ ആണോ എന്നത് അതാതു രാജ്യത്തെ സൗദി എംബസികള് തീരുമാനിക്കും എന്നാണ് സൗദി വിദേശ മന്ത്രാലയത്തിന്റെ വെബ്സൈറ്റില് കാണുന്നത്. സമയപരിധി നിശ്ചയിച്ചുകൊണ്ട് വിസക്കു അപേക്ഷിക്കാനുള്ള ഓപ്ഷന് ഇപ്പോള് ലഭ്യമല്ലെന്നാണ് ഈ രംഗത്ത് സര്വീസ് നടത്തുന്നവര് പറയുന്നത്.
ഹജ്ജ് നടപടിക്രമങ്ങള് തുടങ്ങുന്നതിന് മുന്പ് നിര്ത്തിവെച്ചിരുന്ന വിസിറ്റിംഗ് വിസ കഴിഞ്ഞ ദിവസം മുതലാണ് സൗദി അനുവദിച്ചു തുടങ്ങിയത്. മള്ട്ടിപ്പിള് വിസയുടെ സമയപരിധി നിശ്ചയിച്ച് അപേക്ഷിക്കാനുള്ള ഓപ്ഷന് ഇപ്പോള് ലഭ്യമല്ല. മള്ട്ടിപ്പിള് വിസ ആണോ സിംഗിള് എന്ട്രി വിസയാണോ എന്നത് അതാതു രാജ്യത്തെ സൗദി എംബസികളാണ് തീരുമാനിക്കും എന്നാണ് ഇപ്പോള് വെബ്സൈറ്റില് കാണിക്കുന്നത്. അതായത് അപേക്ഷകന് എത്ര തവണ സൗദിയില് പവേശിക്കാം എന്ന കാര്യത്തില് അതാത് രാജ്യങ്ങളിലെ സൗദി എംബസി തീരുമാനിക്കും എന്നാണ് വെബ്സൈറ്റില് കാണുന്നത്. ഇന്ത്യയുടെ കാര്യത്തില് എന്ത് നിലപാടായിരിക്കും സൗദി എംബസി എടുക്കുക എന്നത് വരും ദിവസങ്ങളില് ആയിരിക്കും അറിയാന് കഴിയുക. അടുത്ത ദിവസം മുതല് വിസ സ്റ്റാമ്പിംഗ് ആരംഭിക്കുമെന്നാണ് അറിയുന്നത്. അതിനുശേഷമായിരിക്കും ഇക്കാര്യത്തിലുള്ള ആശയക്കുഴപ്പം നീങ്ങുകയുള്ളൂ.
365 ദിവസത്തിന്റെ മള്ട്ടിപ്പിള് എന്ട്രി വിസ അതല്ലെങ്കില് 90 ദിവസത്തെ സിംഗിള് എന്ട്രി വിസ എന്നത് സിസ്റ്റത്തില് നിലവില് ലഭ്യമല്ലെന്നാണ് ഈ രംഗത്ത് പ്രവര്ത്തിക്കുന്ന ഏജന്സികള് പറയുന്നത്. ഒരു വര്ഷത്തെ മള്ട്ടിപ്പിള് എന്ട്രി വിസ പ്രതീക്ഷിച്ച് നിരവധി പേരാണ് സൗദിയിലേക്കു പോകാന് കാത്തിരിക്കുന്നത്. മള്ട്ടിപ്പില് എന്ട്രി ലഭിച്ചാല് ആറുമാസം വരെ തുടര്ച്ചയായി സൗദിയില് തങ്ങാന് സാധിക്കും. മൂന്നു മാസം കഴിയുമ്പോള് ഓണ്ലൈനില് പുതുക്കണമെന്നു മാത്രം. ആറു മാസത്തിനു ശേഷം സൗദിക്കു പുറത്തു പോയി വീണ്ടും തിരിച്ചെത്തി ആറു മാസം കൂടു നില്ക്കാന് ആകുമെന്നതിനാല് സൗദിയില് ജോലി ചെയ്യുന്നവരുടെ നിരവധി കുടുംബങ്ങള് മള്ട്ടിപ്പിള് എന്ട്രി വിസിറ്റിംഗ് വിസയെ ആണ് ആശ്രയിച്ചിരുന്നത്.
Related News
