ബിഷ: മൂന്ന് ആഴ്ച്ച മുമ്പ് ബിഷക്കു സമീപം സൗദി പൗരന്റെ വെടിയേറ്റു മരിച്ച കാസര്‍ഗോഡ് എണിയാടി സ്വാദേശി ബഷീര്‍ ആസൈനാരുടെ മൃതദേഹം ഇന്ന് നാട്ടിലേക്ക് കൊണ്ട് പോവും. ഒമ്പത് വര്‍ഷമായി ബിഷക്ക് സമീപം നാഖിയയില്‍ ഹൗസ് ഡ്രൈവറായി ജോലി നോക്കുകയായിരിന്നു. എന്ത് കാരണത്താല്‍ ആണ് വെടിവെച്ചത് എന്ന് അറിവായിട്ടില്ല. ഒരാള്‍ പിടിയില്‍ ആയിട്ടുണ്ട്. ബിഷ കിംഗ് അബ്ദുള്ള ഹോസ്പിറ്റലില്‍ ഉള്ള മൃതദേഹം പോസ്റ്റ് മോര്‍ട്ടം കാഴിഞ്ഞു നിയമ നടപടി പൂര്‍ത്തിക്കിയാക്കി ഇന്നു നാട്ടിലേക്ക് കൊണ്ടു പോവും.

നിയമ നടപടി പൂര്‍ത്തിയാക്കാന്‍ വേണ്ടി ബിഷയിലെ സാമൂഹിക പ്രവര്‍ത്തകനും ജിദ്ദാ കോണ്‍സുലേറ്റ് CCWA അംഗവുമായ അബ്ദുള്‍ അസീസ് പാതിപറമ്പന്‍ കൊണ്ടോട്ടിയെ ബഷീറിന്റെ കുടുംബം ചുമതല പെടുത്തുകയായിരിന്നു. നിയമ നടപടി പൂര്‍ത്തിയാക്കാന്‍ വേണ്ടിയും നിയമ സഹായത്തിനും മറ്റും ഐസിഎഫിന്റെ റിയാദ് സെക്രട്ടറി കരീം ഇബ്രാഹിമും ബിഷയില്‍ നിന്നു മുജീബ് സകാഫിയും ഉണ്ടായിരുന്നു. പരേതനു ഭാര്യയും മൂന്ന് കുട്ടികളും ഉണ്ട്. ബിഷയില്‍ നിന്ന് സൗദി അറേബ്യ എയര്‍ലൈന്‍സില്‍ ജിദ്ദയിലെത്തിച്ച് അവിടെനിന്നു കോഴികോട്ടേക്ക് കൊണ്ട് പോവും.