മക്ക: ഇന്ത്യയില് നിന്നുളള അവശേഷിക്കുന്ന മുഴുവന് ഹാജിമാരും കഴിഞ്ഞ ചൊവ്വാഴ്ച വൈകുന്നേരത്തോടെ മക്കയോട് വിട പറഞ്ഞു. മദീനയിലേക്ക് യാത്രയാകുന്ന തീര്ത്ഥാടകര്ക്ക് തിങ്കളാഴ്ച രാത്രി ഭക്ഷണം നല്കിയായിരുന്നു തനിമ പ്രവര്ത്തകര് തങ്ങളുടെ സേവനപ്രവര്ത്തനങ്ങള്ക്ക് സമാപനം കുറിച്ചത്. രണ്ടുമാസം നീണ്ട സേവന പ്രവര്ത്തനങ്ങളാണ് മക്കയില് തനിമയുടെ നേതൃത്വത്തില് നിര്വഹിച്ചത്. സ്ത്രീകളും കുട്ടികളുമുള്പ്പെടെയുള്ളവര് മുഴുവന് ദിവസവും സേവനത്തിനിറങ്ങി.
ഭക്ഷണവിതരണം, ആരോഗ്യ പരിചരണം, ചരിത്ര സ്ഥലങ്ങള് സന്ദര്ശിക്കല്. ഫ്രൈഡേ ഓപ്പറേഷന് തുടങ്ങി വ്യത്യസ്ത മേഖലകളിലാണ് സേവന പ്രവര്ത്തനങ്ങള് നിര്വഹിച്ചത്. ഭക്ഷണ വിതരണത്തിനായി പ്രത്യേക സംവിധാനങ്ങള് അസീസിയ കേന്ദ്രീകരിച്ച് ഒരുക്കിയിരുന്നു. കഞ്ഞി ഉള്പ്പടെ വിവിധ കേരളീയ ഭക്ഷണങ്ങള് ഹാജിമാര്ക്ക് നിത്യവും രാത്രികളില് വിതരണം നടത്തി. വൃദ്ധരും , രോഗികളുമായി തീര്ത്ഥാടര്ക്ക് ഭക്ഷണം ഏറെ പ്രയോജനമായി. ജിദ്ദയില് നിന്നും വിദ്യാര്ത്ഥികളുള്പ്പെടെയുള്ളവര് സേവനങ്ങള്ക്കായി മക്കയിലെത്തി. നോണ് മഹറം കാറ്റഗറിയില് എത്തിയവര്ക്കും തനിമ വനിത വിങ്ങിന്റെ സേവന പ്രവര്ത്തനങ്ങള് ഏറെ ആശ്വാസകരമായി. ഹാജിമാരുടെ മുഴുവന് വിവരങ്ങളും ഉള്ക്കൊള്ളിച്ചുള്ള ആപ്പ് പുറത്തിറക്കിയതും ഇത്തവണത്തെ പ്രവര്ത്തനങ്ങളിലെ വേറിട്ട ഒരദ്ധ്യായമായി. അബ്ദുല് ഹക്കീം, സി. എച്ച്. ബഷീര്, മുനീര്, തമീം, സഫീര് അലി, അബ്ദുസത്താര്, അഫ്സല് കള്ളിയത്, ഷെഫീഖ് പട്ടാമ്പി, ഷാനിബ നജാത്ത്, മുന അനീസ്, റഷീദ നിസാം, ആരിഫ സത്താര് എന്നിവര് പ്രവര്ത്തനങ്ങള്ക്ക് നേതൃത്വം നല്കി.
Related News
