ന്യൂഡല്ഹി: ഇസ്രയേല് ഗസ്സയില് നടത്തിക്കൊണ്ടിരിക്കുന്ന മനുഷ്യക്കുരുതിക്കെതിരെ ലോക വ്യാപകമായി നടക്കുന്ന ഡിജിറ്റല് പ്രതിഷേധത്തില് സി.പി.എമ്മും പങ്കാളികളാവും പാര്ട്ടി ദേശീയ ജനറല് സെക്രട്ടറി എം.എ ബേബിയാണ് 'സൈലന്സ് ഫോര് ഗസ്സ' പ്രതിഷേധത്തിന്റെ ഭാഗമാകുമെന്ന് അറിയിച്ചത്.
രാത്രി ഒന്പത് മുതല് 9.30 വരെ ഒരാഴ്ച ഡിജിറ്റല് നിശബ്ദത ആചരിക്കാനാണ് തീരുമാനം. ഫോണുകളും ലാപ്ടോപ്പുകളും മറ്റ് ഡിജിറ്റല് സംവിധാനങ്ങളും ഓഫ് ചെയ്തുവെക്കണമെന്നും ഫലസ്തീനില് നടക്കുന്ന മഹാപാതകങ്ങളോട് ലോകത്ത് ധാരാളം മനുഷ്യര് വിയോജിപ്പ് പ്രകടിപ്പിക്കുന്നുണ്ട് എന്ന സന്ദേശം ഡിജിറ്റല് കാലഘട്ടത്തിലെ സത്യഗ്രഹത്തിലൂടെ സാധിക്കുമെന്നും അദ്ദേഹം പറഞ്ഞു.
'സൈലന്സ് ഫോര് ഗസ്സ' എന്ന പ്രസ്ഥാനത്തിന്റെ ഏകോപിത ഡിജിറ്റല് കാമ്പെയ്ന് ആണിത്. ഇതൊരു പ്രതിരോധ പ്രവര്ത്തനമാണെന്നും ആഗോള ഡിജിറ്റല് പ്രതിഷേധമണെന്നും ഇതുവരെയുള്ള ലോകത്തിന്റെ നിഷ്ക്രിയത്വം ഇന്ധനമാക്കിക്കൊണ്ടുള്ള അനീതിക്കെതിരായ ഒരു പൗരന്റെ രോഷം ഉയര്ത്തിക്കാണിക്കാന് ലളിതവും ഫലപ്രദവുമായ മാര്ഗമാണെന്നും ഇതിന്റെ പിന്നിലുള്ള കാമ്പയ്ന് പ്രചാരകര് വ്യക്തമാക്കുന്നു.
Related News
