സനാ: വധക്കേസില് യെമന് ജയിലില് കഴിയുന്ന മലയാളി നിമിഷപ്രിയയുടെ വധശിക്ഷ നടപ്പാക്കാന് തീരുമാനിച്ചതായി റിപ്പോര്ട്ട്. ജൂലൈ 16ന് വധ ശിക്ഷ നടപ്പാക്കുമെന്നാണ് സൂചന. പൗരന് തലാല് അബു മഹ്ദി കൊല്ലപ്പെട്ട കേസിലാണ് നിമിഷപ്രിയ തടവില് കഴിയുന്നത്.
വധശിക്ഷ സംബന്ധിച്ച ഉത്തരവില് യെമനിലെ പബ്ലിക് പ്രോസിക്യൂട്ടര് ഒപ്പുവച്ചു. വധശിക്ഷ ഒഴിവാക്കാനുള്ള നിയമപരമായ വഴികളെല്ലാം അടഞ്ഞതായും സനായിലുള്ള തലാലിന്റെ കുടുംബം മാപ്പു നല്കുക മാത്രമാണ് നിമിഷപ്രിയയെ രക്ഷിക്കാനുള്ള ഏകമാര്ഗമെന്നും മനുഷ്യാവകാശ പ്രവര്ത്തകന് സാമുവല് ജെറോം പറഞ്ഞു. ഇതിനായി തലാലിന്റെ കുടുംബത്തെ സമീപിക്കാന് ശ്രമിക്കുമെന്നും അദ്ദേഹം പറഞ്ഞു.
2017 ജൂലൈയിലാണ് കേസിനാസ്പദമായ സംഭവം നടന്നത്. ആഗസ്റ്റില് നിമിഷ ഇന്ത്യന് എംബസി ഇക്കാര്യം സ്ഥിരീകരിച്ചതായാണ് റിപ്പോര്ട്ട്. പാലക്കാട് സ്വദേശിയായ നിമിഷ പ്രിയ യമനില് ജോലി ചെയ്യുന്നതിനിടെ അവിടുത്തെ പൗരനെ കൊലപ്പെടുത്തി എന്നാണ് കേസ്. വധശിക്ഷ നടപ്പാക്കാന് യമന് പ്രസിഡന്റ് റഷാദ് അല് അലീമി നേരത്തേ അനുമതി നല്കിയിരുന്നു. നിലവില് യമന്റെ തലസ്ഥാനമായ സന്ആയിലെ ജയിലിലാണ് നിമിഷപ്രിയയുള്ളത്.
Related News
