ജിദ്ദ: സൗദി അറേബ്യയില് വിദേശികള്ക്ക് ഭൂമി വാങ്ങാന് അനുമതി. ഇതിനാവശ്യമായ നിയമ ഭേദഗിക്ക് സൗദി മന്ത്രിസഭ അംഗീകാരം നല്കി. വിദേശികള്ക്ക് ഭൂമിയും കെട്ടിടങ്ങളും സ്വന്തമാക്കാന് ഉടമസ്ഥാവകാശ നിയമ ഭേദഗതിക്കാണ് സൗദി മന്ത്രിസഭ അംഗീകാരം നല്കിയത്്. റിയല് എസ്റ്റേറ്റ് മേഖലയുടെ വികസനത്തിന് വേണ്ടിയുള്ള നിയമനിര്മാണങ്ങളുടെ ഭാഗമാണിതെന്ന് മുനിസിപ്പല് ഭവനകാര്യ മന്ത്രി മാജിദ് അല്ഹുഖൈല് പറഞ്ഞു. ഇതോടെ, റിയാദ്, ജിദ്ദ എന്നീ നഗരങ്ങളിലെ നിര്ദിഷ്ട മേഖലകളില് പ്രത്യേക നിബന്ധനയോടെ വിദേശികള്ക്ക് ഭൂമിയും കെട്ടിടങ്ങളും വാങ്ങാനാവും. നിക്ഷേപകരില്നിന്നും റിയല് എസ്റ്റേറ്റ് കമ്പനികളില്നിന്നും നേരിട്ടുള്ള വിദേശ നിക്ഷേപം നേടുകയും അവരുടെ ഭൂലഭ്യത ഉറപ്പിക്കുകയുമാണ് ലക്ഷ്യമെന്ന് മന്ത്രി പറഞ്ഞു.
വിദേശ റിയല് എസ്റ്റേറ്റ് ഉടമസ്ഥര്ക്കുള്ള നിയമത്തിന് മന്ത്രിസഭ അംഗീകാരം നല്കിയതിന് സല്മാന് രാജാവിനും കിരീടാവകാശി അമീര് മുഹമ്മദ് ബിന് സല്മാനും മന്ത്രി നന്ദി പറഞ്ഞു. ജനറല് അതോറിറ്റി ഫോര് റിയല് എസ്റ്റേറ്റായിരിക്കും പ്രത്യേക മേഖലകള് നിര്ദേശിക്കുക.
Related News
