ഗസ്സ: തെക്കന് ഗസ്സയില് ഭക്ഷ്യ വിതരണ കേന്ദ്രത്തിലുണ്ടായ തിക്കിലും തിരക്കിലും പെട്ട് 21 ഫലസ്തീനികള് മരിച്ചു. ഖാന് യൂനിസിനടുത്ത് യുഎസ് പിന്തുണയുള്ള ഗസ്സ ഹ്യുമാനിറ്റേറിയന് ഫൗണ്ടേഷന് നടത്തുന്ന ഭക്ഷണ വിതരണത്തിനിടെയാണ് അപകടം. വിശന്നുവലഞ്ഞ് ഭക്ഷണ കേന്ദ്രത്തിലെത്തിയ ജനക്കൂട്ടത്തിന് നേരെ ജിഎച്ച്എഫ് ഗാര്ഡുകള് കണ്ണീര്വാതകമോ കുരുമുളക് സ്പ്രേയോ പ്രയോഗിച്ചതിന് ശേഷമാണ് ഇത് സംഭവിച്ചതെന്ന് ഫലസ്തീന് ആരോഗ്യ അധികൃതരും ദൃക്സാക്ഷികളും പറഞ്ഞു. ബുധനാഴ്ച രാവിലെയാണ് സംഭവം.
എന്നാല് തങ്ങളുടെ ജീവനക്കാര് ജീവനക്കാര് കുരുമുളക് സ്പ്രേയോ കണ്ണീര്വാതകമോ ഉപയോഗിച്ചതിനെക്കുറിച്ചുള്ള ചോദ്യങ്ങളോട് പ്രതികരിക്കാന് ജിഎച്ച്എഫ് തയാറായില്ല. ജനക്കൂട്ടത്തിനു നേരെ കണ്ണീര്വാതകം പ്രയോഗിച്ചതിനെ തുടര്ന്ന് ശ്വാസംമുട്ടി പതിനഞ്ച് പേര് മരിച്ചുവെന്ന് ഗസ്സ ആരോഗ്യ മന്ത്രാലയം പ്രസ്താവനയില് അറിയിച്ചു.
.
'ഇപ്പോള് ടെന്റുകള് പൂര്ണമായും ശൂന്യമാണ്, ഭക്ഷണമോ പാനീയമോ ഇല്ല. അതിനാല് മറ്റ് മാര്ഗമോ ബദലുകളോ ഇല്ലാതെ ആളുകള് അപകടകരമായ പ്രദേശങ്ങളിലേക്ക് സാധനങ്ങള് വാങ്ങാന് പോകാന് നിര്ബന്ധിതരാകുന്നു.
Related News
