റിയാദ്: റിയാദിലെ കിംഗ് അബ്ദുള്ള സ്‌പെഷ്യലിസ്റ്റ് ചില്‍ഡ്രന്‍സ് ഹോസ്പിറ്റലില്‍ സൗദി അറേബ്യയിലെ ശസ്ത്രക്രിയാ വിദഗ്ധര്‍ 7 മാസം പ്രായമുള്ള സംയോജിത ഇരട്ടകളെ വിജയകരമായി വേര്‍പെടുത്തി. ശസ്ത്രക്രിയ 15 മണിക്കൂര്‍ നീണ്ടുനിന്നു. ഇരട്ടകളായ യാരയുടെയും ലാറയുടെയും പിതാവ് മുഐദ് അല്‍-ഷെഹ്രി തന്റെ കുടുംബത്തിന് ശസ്ത്രക്രിയ വൈകാരിക നിമിഷങ്ങളാണ് സമ്മാനിച്ചതെന്നു പറഞ്ഞു. ആശുപത്രി അധികൃതരുടെ ഭാഗത്തുനിന്നുള്ള പിന്തുണ വളരെ വലുതായിരുന്നു. ''സത്യം പറഞ്ഞാല്‍, ഇരട്ടകളുടെ വേര്‍പിരിയലിനു ശേഷമുള്ള സന്തോഷം പറഞ്ഞറിയിക്കാന്‍ കഴിയാത്തതാണ്; അത് തികച്ചും വ്യത്യസ്തമായ ഒരു സന്തോഷമാണ്' അദ്ദേഹം പറഞ്ഞു. ഇരട്ടകളെ വേര്‍പെടുത്താന്‍ കഴിയുമെന്ന് പറഞ്ഞപ്പോള്‍ ഒരു മടിയും ഉണ്ടായിരുന്നില്ല. സന്തോഷമായിരുന്നു. ഞങ്ങള്‍ ദൈവത്തിന് നന്ദി പറയുന്നു മഹത്തായ രാഷ്ട്ര്തതോടും ഞങ്ങള്‍ ഏറെ കടപ്പെട്ടിരിക്കുന്നു - അദ്ദേഹം കൂട്ടിച്ചേര്‍ത്തു.

വളറെ സങ്കീര്‍ണ്ണമായ ശസ്ത്രക്രിയയായിരുന്നു. ഇതില്‍ നിരവധി ഡോക്ടര്‍മാരും സ്‌പെഷ്യലിസ്റ്റുകളും ടെക്‌നീഷ്യന്മാരും നഴ്സുമാരും ഉള്‍പ്പടെ 38 അംഗങ്ങള്‍ പങ്കെടുത്തതായി റോയല്‍ കോടതിയുടെ ഉപദേഷ്ടാവും സൗദി സഹായ ഏജന്‍സിയായ കെഎസ്റെലീഫിന്റെ ജനറല്‍ സൂപ്പര്‍വൈസറുമായ അബ്ദുല്ല അല്‍-റബീഹ പറഞ്ഞു. ''ഇതൊരു അതിലോലമായ ശസ്ത്രക്രിയയാണ്. പക്ഷേ എന്റെ സഹപ്രവര്‍ത്തകരിലും അവരുടെ അനുഭവത്തിലും എനിക്ക് വിശ്വാസമുണ്ട്. മുമ്പ് സമാനമായ കേസുകള്‍ ഞങ്ങള്‍ വിജയകരമായി ചെയ്തിട്ടുണ്ട്, (ദൈവം അനുവദിച്ചാല്‍) ഈ കേസ് സൗദി അറേബ്യയുടെ മറ്റൊരു നേട്ടമാകുമെന്ന് എനിക്ക് ഉറപ്പുണ്ട്'' -അദ്ദേഹം പറഞ്ഞു.

സൗദി സംയോജിത ഇരട്ടകള്‍ പദ്ധതിയുടെ 35 വര്‍ഷത്തെ ചരിത്രത്തില്‍ ഇത്തരത്തിലുള്ള 65-ാമത്തെ ശസ്ത്രക്രിയയായിരുന്നു ഇത്. കേസ് വേര്‍പിരിയലില്‍ അവസാനിക്കുന്നില്ല, വേര്‍പിരിയലിനുശേഷം അവര്‍ക്ക് പീഡിയാട്രിക് ഇന്റന്‍സീവ് കെയര്‍ യൂണിറ്റില്‍ ധാരാളം വിപുലമായ പരിചരണം ആവശ്യമായി വരും, അങ്ങനെ അവര്‍ സുഖം പ്രാപിക്കുമെന്നാണ് പ്രതീക്ഷയെന്ന് ഡോ. റബീഹ പറഞ്ഞു. അവര്‍ സുഖം പ്രാപിച്ചുകഴിഞ്ഞാല്‍, അവരെ തീവ്രമായ പുനരധിവാസത്തിനും ഫിസിയോതെറാപ്പിക്കും വിധേയമാക്കും, അങ്ങനെ അവര്‍ക്ക് സജീവമായിരിക്കാനും പുറത്ത് ഇരിക്കാനും നില്‍ക്കാനും കഴിയുംമെന്ന് അദ്ദേഹം പ്രത്യാശിച്ചു.


സൗദി വിഷന്‍ 2030 പദ്ധതിയുടെ ദേശീയ വികസനത്തിനും വൈവിധ്യവല്‍ക്കരണത്തിനുമുള്ള ലക്ഷ്യങ്ങള്‍ക്കനുസൃതമായി രാജ്യത്തിന്റെ ആരോഗ്യ സംരക്ഷണ മേഖലയുടെ വിശാലമായ പരിവര്‍ത്തനത്തെയാണ് ഇതുപോലുള്ള കേസുകള്‍ പ്രതിഫലിപ്പിക്കുന്നതെന്ന് അല്‍-റബീഅ കൂട്ടിച്ചേര്‍ത്തു. കുടുംബത്തിന് നല്‍കുന്ന പരിചരണം ശസ്ത്രക്രിയയ്ക്ക് ശേഷവും വളരെക്കാലം തുടരും.