തബൂക്ക്: പരിസ്ഥിതി നിയമങ്ങള് ലംഘിച്ച് അനധികൃതമായി മണല് ഖനനം നടത്തിയ എട്ട് വിദേശികളെ സൗദി സ്പെഷ്യല് സെക്യൂരിറ്റി ആന്ഡ് പ്രൊട്ടക്ഷന് ഫോഴ്സ് അറസ്റ്റ് ചെയ്തു. തബൂക്ക് മേഖലയില് നിന്നാണ് ഇവര് പിടിയിലായത്.
മണല് കടത്താനും മണ്ണെടുക്കാനും ഉപയോഗിച്ച എട്ട് വാഹനങ്ങളും ഉപകരണങ്ങളും പിടിച്ചെടുത്തതായി സേന അറിയിച്ചു. യെമനി, പാകിസ്താനി, ഈജിപ്ഷ്യന്, നേപ്പാളി പൗരന്മാരാണ് പിടിയിലായ എട്ട് പേര്. ഇവര്ക്കെതിരെ നിയമനടപടികള് ആരംഭിച്ചതായി അധികൃതര് വ്യക്തമാക്കി.
പരിസ്ഥിതിക്ക് ദോഷകരമായ പ്രവര്ത്തനങ്ങള് ശ്രദ്ധയില്പ്പെട്ടാല് 911 (മക്ക, മദീന, റിയാദ്, കിഴക്കന് പ്രവിശ്യകള്), 999 അല്ലെങ്കില് 996 (രാജ്യത്തെ മറ്റ് പ്രദേശങ്ങള്) എന്നീ നമ്പറുകളില് അറിയിക്കണമെന്ന് അധികൃതര് അഭ്യര്ത്ഥിച്ചു. റിപ്പോര്ട്ട് ചെയ്യുന്നവരുടെ വിവരങ്ങള് പൂര്ണ്ണമായും രഹസ്യമായി സൂക്ഷിക്കുമെന്നും അധികൃതര് അറിയിച്ചു.
Related News
