രാംനഗര്: മയക്കു മരുന്നു വാങ്ങാന് ശരീരം വിറ്റ 17 കാരി നിരവധി പുരുഷന്മാര്ക്ക് എയിഡ്സ് പകര്ന്നതായി റിപ്പോര്ട്ട്. ഉത്തരാഖണ്ഡിലെ നൈനിറ്റാളിലാണ് സംഭവം. 17 വയസുകാരിയിലൂടെ കഴിഞ്ഞ ഒന്നര വര്ഷത്തിനിടെ 19 പുരുഷന്മാര്ക്കാണ് എച്ച്ഐവി പിടിപെട്ടത്. പെണ്കുട്ടി മയക്കുമരുന്നിന് അടിമയായിരുന്നെന്നും, ഇതിനായി പണം കണ്ടെത്താനാണ് പരപുരുഷന്മാരുമായി യുവതി ശാരീരിക ബന്ധത്തില് ഏര്പ്പെട്ടിരുന്നതെന്നാണ് റിപ്പോര്ട്ട്.
കഴിഞ്ഞ വര്ഷം ഒക്ടോബറിറിലാണ് നൈനിറ്റാള് ജില്ലയിലെ ഗുലാര്ഘട്ടി പ്രദേശത്ത്് സംഭവം ആദ്യം റിപ്പോര്ട്ട ചെയ്ത്. നിരവധി പ്രാദേശിക പുരുഷന്മാരുമായി പെണ്കുട്ടി ലൈംഗിക ബന്ധത്തില് ഏര്പ്പെടുകയും, അവരില് പലരും എച്ച്ഐവി പോസിറ്റീവ് ആവുകയും ചെയ്തു. ബന്ധപ്പെട്ടവരില് പലരും വിവാഹിതരായിരുന്നുവെന്നും, അവരുടെ ഭാര്യമാരിലേക്ക് കൂടി വൈറസ് പടരാന് കാരണായതായും റിപ്പോര്ട്ടി പറയുന്നു.
പ്രദേശത്തെ നിരവധി യുവാക്കള്ക്ക് ഗുരുതരമായ ആരോഗ്യപ്രശ്നങ്ങള് റിപ്പോര്ട്ട് ചെയ്യാന് തുടങ്ങിയതോടെയാണ് സംഭവം പുറത്തുവരാന് തുടങ്ങിയത്. അവരില് പലരും ആശുപത്രിയിലെ ഇന്റഗ്രേറ്റഡ് കൗണ്സിലിംഗ് ആന്ഡ് ടെസ്റ്റിംഗ് സെന്ററില് (ഐസിടിസി) പരിശോധന നടത്തിയതോടെയാണ് എച്ച്ഐവി പോസിറ്റീവ് ആണെന്ന് മനസിലാക്കുന്നത്. തുടര്ന്ന് പൊലീസ് നടത്തിയ അന്വേഷണത്തിലാണ് സംഭവത്തിന്റെ നിജസ്ഥിതി പുറത്തു വന്നത്. സാമ്പത്തികമായി പിന്നാക്കം നില്ക്കുന്ന കുടുംബത്തിലെ ഒരു പെണ്കുട്ടിയാണ് രോഗം പടരാന് ഹേതുവായതെന്നാണ് തണ്ടെത്തല്. ഹെറോയിന് ഉപയോഗിച്ചിരുന്നു പെണ്കുട്ടി അതിനായി പണം കണ്ടെത്താന് നിരവധി പുരുഷന്മാരുമായി ശാരീരിക ബന്ധത്തില് ഏര്പ്പെട്ടതായും അന്വേഷണത്തില് വ്യക്തമായി.
Related News
