തായിഫ്: തായിഫിലെ അമ്യൂസ്മെന്റ് റൈഡ് അപകടത്തില് പരിക്കേറ്റ ഒരു പെണ്കുട്ടിയെ കൂടി വിദഗ്ധ ചികിത്സയ്ക്കായി റിയാദിലേക്ക് മാറ്റി. അപകടത്തില് ഗുരുതരമായി പരിക്കേറ്റ രണ്ട് സഹോദരിമാരില് ഒരാളെയാണ് റിയാദിലേക്ക് കൊണ്ടുപോയത്. രണ്ടാമത്തെ പെണ്കുട്ടിയെ രണ്ട് ദിവസം മുമ്പ് മെഡിക്കല് എയര് ആംബുലന്സ് വഴി റിയാദിലേക്ക് മാറ്റിയിരുന്നു.
രണ്ടാഴ്ച മുമ്പ് അല് ഹദ പ്രദേശത്തെ ഒരു അമ്യൂസ്മെന്റ് പാര്ക്കിലെ റൈഡ് തകര്ന്ന് നിരവധി പെണ്കുട്ടികള്ക്ക് പരിക്കേറ്റിരുന്നു. തായിഫിലെ ആശുപത്രിയില് ചികിത്സയിലായിരുന്ന ദോഹ അല്-ഫഹ്മി എന്ന പെണ്കുട്ടിയെയാണ് കഴിഞ്ഞ ദിവസം വൈകുന്നേരം മെഡിക്കല് എയര് ആംബുലന്സ് വഴി റിയാദിലേക്ക് മാറ്റിയത്. ഗുരുതരാവസ്ഥയിലായിരുന്ന ഇവരെ, രണ്ട് ദിവസം മുമ്പ് റിയാദിലേക്ക് മാറ്റിയ സഹോദരി ഹനാന് അല്-ഫഹ്മിക്കൊപ്പം കൂടുതല് മെച്ചപ്പെട്ട ചികിത്സ ലഭ്യമാക്കുന്നതിനായാണ് ഈ നടപടി.
പെണ്കുട്ടികള്ക്ക് മികച്ച ചികിത്സയും പരിചരണവും നല്കുന്നതിനു ബന്ധപ്പെട്ടവര് നിര്ദേശം നല്കിയിരുന്നു.
ജൂലൈ 31 ബുധനാഴ്ച വൈകുന്നേരം അല് ഹദയിലെ അമ്യൂസ്മെന്റ് പാര്ക്കിലെ റൈഡ് തകര്ന്നു വീണതിനെ തുടര്ന്ന് 23 പേര്ക്ക് പരിക്കേറ്റിരുന്നു. ഇതില് കൂടുതലും പെണ്കുട്ടികളായിരുന്നു. പരിക്കേറ്റവരില് മൂന്നുപേരുടെ നില ഗുരുതരമായിരുന്നു.
Related News
