റിയാദ്: സൗദി ഫാല്‍ക്കണ്‍സ് ക്ലബ് സംഘടിപ്പിച്ച ഇന്റര്‍നാഷണല്‍ ഫാല്‍ക്കണ്‍ പ്രൊഡക്ഷന്‍ ഫാംസ് 2025-ന്റെ ആദ്യ രാത്രിയില്‍ രണ്ട് ഫാള്‍ക്കനുകളെ 180,000 സൗദി റിയാലിന് വിറ്റു. റിയാദിന് വടക്ക് മല്‍ഹാം നഗരത്തില്‍ വെച്ച് നടന്ന ലേലത്തിലാണ് ഈ വില്‍പന. മന്ത്രി തുര്‍ക്കി ബിന്‍ മുഹമ്മദ് ബിന്‍ ഫഹദ് അബ്ദുല്‍ അസീസ് രാജകുമാരനാണ് ഫാല്‍ക്കനുകളെ സ്വന്തമാക്കിയത്.

അല്‍-അറാദി ഫാമില്‍ നിന്നുള്ള രണ്ട് പരുന്തുകളെയാണ് ലേലത്തില്‍ വെച്ചത്. ആദ്യത്തെ, ഒരു യുവ ഹുര്‍ പരുന്തിനെ 75,000 റിയാലിനാണ് വിറ്റത്. രണ്ടാമത്തെ പരുന്ത് ഒരു ശുദ്ധമായ ഗൈര്‍ പരുന്തായിരുന്നു, അതിന്റെ ലേലം 50,000 റിയാലില്‍ തുടങ്ങി 105,000 റിയാലില്‍ അവസാനിച്ചു.

ലോകത്തിലെ പ്രമുഖ ഫാള്‍ക്കന്‍ ഉല്‍പാദന ഫാമുകളെ പങ്കെടുപ്പിച്ചുകൊണ്ട് നടത്തുന്ന ഈ ലേലം ഓഗസ്റ്റ് 25 വരെ തുടരും. ഫാല്‍ക്കണ്‍, ബ്രീഡിംഗ്, ഉല്‍പാദനം, പരിചരണം എന്നിവയില്‍ നേതൃത്വം നല്‍കുന്നതിനുള്ള സൗദി ഫാല്‍ക്കണ്‍സ് ക്ലബിന്റെ ലക്ഷ്യങ്ങളെ പിന്തുണയ്ക്കുക എന്നതാണ് പരിപാടിയുടെ ലക്ഷ്യം. ഇത് ഒരു സാമ്പത്തിക, സാംസ്‌കാരിക വേദിയായി പ്രവര്‍ത്തിക്കുകയും പരിസ്ഥിതി അവബോധം വളര്‍ത്തുകയും ചെയ്യുന്നു.