റിയാദ്: സൗദി അറേബ്യയില് ഹോട്ടലുകളടക്കമുള്ള ഹോസ്പിറ്റാലിറ്റി സ്ഥാപനങ്ങളില് ഇരുപത് മണിക്കൂര് നയം പ്രാബല്യത്തിലായി. ആഗോള ഹോസ്പിറ്റാലിറ്റി സ്റ്റാന്ഡേര്ഡുകള്ക്കനുസരിച്ച് സൗദി ടൂറിസം മന്ത്രാലയത്തിന്റെ നേതൃത്വത്തിലാണ് പുതിയ നീക്കം. ഇത് പ്രകാരം താമസക്കാരന് പരമാവധി മുറി ഉപയോഗിക്കാന് കഴിയുക 20 മണിക്കൂര് ആയിരിക്കും.
ആഗോള ഹോസ്പിറ്റാലിറ്റി സ്റ്റാന്ഡേര്ഡുകള് പാലിക്കുക, ഹോസ്പിറ്റാലിറ്റി സ്ഥാപനങ്ങള്ക്ക് മുറി ഒരുക്കാന് മതിയായ സമയം നല്കുക തുടങ്ങിയവയുടെ ഭാഗമാണ് തീരുമാനം. ചെക്കിന്, ചെക്ക്ഔട്ട് സമയം സ്ഥാപനങ്ങളായിരിക്കും നിശ്ചയിക്കുക. ഇത് ബുക്കിങ് രേഖയില് വ്യക്തമാക്കിയിരിക്കണം. താമസിക്കുന്ന റൂം, സൗകര്യങ്ങള്, സേവനങ്ങള് എന്നിവ ഉപഭോക്താവിന് മനസ്സിലാകുന്ന വിധത്തില് ചിത്രങ്ങള് ഉള്പ്പെടുത്തി പ്രസിദ്ധപ്പെടുത്തണമെന്നും മന്ത്രാലയം അറിയിച്ചു.
Related News
