ജയ്പൂര്: നിര്ത്തിയിട്ടിരുന്ന ട്രക്കില് പിക്കപ്പ് വാന് ഇടിച്ചുകയറി ഏഴ് കുട്ടികള് ഉള്പ്പെടെ 11 പേര് മരിച്ചു. എട്ട് പേര്ക്ക് പരിക്കേറ്റു. രാജസ്ഥാനിലെ ദൗസ ജില്ലയില് ഇന്നു പലര്ച്ചെയാണ് സംഭവം. പിക്കപ്പ് വാഹനത്തിലെ യാത്രക്കാര് ഖാട്ടു ശ്യാം, സലാസര് ബാലാജി ക്ഷേത്രം സന്ദര്ശിച്ച ശേഷം ഉത്തര്പ്രദേശിലെ ഇറ്റയിലെ അവരുടെ ഗ്രാമത്തിലേക്ക് മടങ്ങുകയായിരുന്നു. ഇവര് സഞ്ചരിച്ചിരുന്ന പിക്ക്-അപ്പ് വാന് ഒരു കണ്ടെയ്നര് ട്രക്കുമായി കൂട്ടിയിടിച്ചാണ് അപകടമുണ്ടായത്. ഇരുപത് പേരില് അവശേഷിക്കുന്ന എല്ലാവര്ക്കും് പരിക്കേറ്റു.
പുലര്ച്ചെ മനോഹര്പൂര് ഹൈവേയിലാണ് അപകടം നടന്നതെന്ന് ദൗസ പൊലീസ് സൂപ്രണ്ട് സാഗര് പറഞ്ഞു. മരിച്ചവരില് ഏഴ് കുട്ടികളും നാല് സ്ത്രീകളും ഉള്പ്പെടും്. മരണസംഖ്യ ഉയരാന് സാധ്യതയുണ്ടെന്നാണ് പൊലീസ് പറയുന്നത്. ഹൈവേയിലെ സര്വീസ് ലൈനില് നിര്ത്തിയിട്ടിരുന്ന ട്രക്കില് പിക്കപ്പ് വാന് ഇടിച്ചുകയറുകയായിരുന്നു. പിക്കപ്പ് വാഹനത്തില് ഇരുപത് പേരാണ് ഉണ്ടായിരുന്നത്.
അപകടത്തില് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് അനുശോചനം രേഖപ്പെടുത്തി. രാജസ്ഥാന് സര്ക്കാര് ഉദ്യോഗസ്ഥരുമായി ഏകോപിപ്പിക്കാന് ഉദ്യോഗസ്ഥര്ക്ക് നിര്ദേശം നല്കിയിട്ടുണ്ട്.
Related News
