കുവൈത്ത് സിറ്റി: കുവൈത്തില്‍ വ്യാജമദ്യം കഴിച്ച് മലയാളികളടക്കം 10 പേര്‍ മരിച്ചതായി റിപ്പോര്‍ട്ട്. ആഭ്യന്തര മന്ത്രാലയ വൃത്തങ്ങളെ ഉദ്ധരിച്ച് പ്രാദേശിക അറബ് ദിനപത്രമാണ് റിപ്പോര്‍ട്ട് പുറത്തുവിട്ടത്. മരണസംഖ്യ ഔദ്യോഗികമായി സ്ഥിരീകരിച്ചിട്ടില്ല. നിരവധിപ്പേര്‍ ആശുപത്രിയില്‍ ചികില്‍സയിലാണ്. പലരുടെയും നില ഗുരുതരമാണ്.

പ്രവാസികളായ നിര്‍മാണത്തൊഴിലാളികള്‍ക്കിടയിലാണ് വിഷമദ്യ ദുരന്തമുണ്ടായത്. കഴിഞ്ഞ ഒരാഴ്ചയ്ക്കിടെ വ്യാജ മദ്യം കഴിച്ചവരാണ് അപകടത്തില്‍പെട്ടത്. മരിച്ചവരില്‍ തമിഴ്‌നാട് സ്വദേശികളും ഉള്‍പ്പെടുമെന്നാണ് സൂച. ഫര്‍വാനി, ആദാന്‍ ആശുപത്രികളിലുള്ള പലരുടെയും നില വഗുരുതരമാണ്. പലര്‍ക്കും കാഴ്ച നഷ്ടമായെന്ന് ആശുപത്രിവൃത്തങ്ങള്‍ പറഞ്ഞു. ചിലരുടെ വൃക്കകള്‍ക്കും കാര്യമായ തകരാറുകള്‍ സംഭവിച്ചിട്ടുണ്ട്.

സമ്പൂര്‍ണ മദ്യനിരോധനമുള്ള രാജ്യമാണ് കുവൈത്ത്. അനധികൃത വാറ്റുകാരാണ് ഇവിടെ മദ്യം വില്‍ക്കുന്നതത്. ഇത്തരക്കാര്‍ക്കെതിരെ കര്‍ശന നടപടികള്‍ സ്വീകരിക്കാറുണ്ടെങ്കിലും മദ്യവില്‍പന, പ്രത്യേകിച്ച് ലേബര്‍ ക്യാമ്പുകള്‍ കേന്ദ്രീകരിച്ച് ഒളിച്ചും പാത്തും നടത്താറുണ്ട്.