ദുബായ്: അനധികൃതമായി കോസ്മെറ്റിക് സര്ജറികള് നടത്തിയ മൂന്ന് വിദേശ വനിതകള് ദുബായില് അറസ്റ്റില്. അറസ്റ്റിലായ മൂന്നു പേരും യൂറോപ്യന് രാജ്യങ്ങളില് നിന്നുള്ളവരാണ്. ലൈസന്സില്ലാതെ റസിഡന്ഷ്യല് അപാര്ട്മെന്റ് കേന്ദ്രീകരിച്ചായിരുന്നു സര്ജറി നടത്തിയിരുന്നത്. രഹസ്യവിവരം ലഭിച്ചതിനെ തുടര്ന്ന് ദുബായ് ആരോഗ്യവകുപ്പുമായി ചേര്ന്ന് ആന്റി ഇക്കണോമിക് ക്രൈം ഡിപ്പാര്ട്മെന്റാണ് പരിശോധന നടത്തിയത്.
ശസ്ത്രക്രിയകള്ക്ക് ഉപയോഗിച്ചിരുന്ന മെഡിക്കല് ഉപകരണങ്ങള് അധികൃതര് കണ്ടുകെട്ടി. . ഇവര് ആര്ക്കൊക്ക ശസ്ത്രക്രിയ നടത്തിയെന്നും ഏത് തരത്തിലുള്ള ശസ്ത്രക്രിയകളാണ് നടത്തിയിരുന്നതെന്നും അധികൃതര് പുറത്തുവിട്ടിട്ടില്ല.
സൗന്ദര്യവര്ധക ശസ്ത്രക്രിയകളും ഡെര്മല് ഫില്ലറുകള് അല്ലെങ്കില് ബോട്ടോക്സ് പോലുള്ള ശസ്ത്രക്രിയേതര ചികിത്സകളുമെല്ലാം ശരിയായി നിര്വഹിച്ചില്ലെങ്കില് ഗുരുതരമായ സങ്കീര്ണതകളിലേക്ക് നയിക്കാമെന്ന് യുകെയുടെ നാഷനല് ഹെല്ത്ത് സര്വീസ് (എന്എച്ച്എസ്) മുന്നറിയിപ്പ് നല്കിയിട്ടുണ്ട്. ഫലങ്ങള് പ്രതീക്ഷിച്ചതുപോലെയല്ലെങ്കില് മാനസികാരോഗ്യത്തെയും ബാധിച്ചേക്കാം. സമൂഹമാധ്യമത്തില് പ്രചരിക്കുന്ന ചികിത്സകള് തേടുന്നതില് ജാഗ്രത പാലിക്കണമെന്ന് എന്എച്ച്എസ് നിര്ദ്ദേശിച്ചു.
Related News
