ന്യൂഡല്ഹി: വോട്ടു മോഷണത്തിനെതിരായ നേരിട്ടുള്ള പാരാട്ടത്തിന് ലോക്സഭാ പ്രതിപക്ഷ നേതാവ് രാഹുല് ഗാന്ധി. ഇതിന്റെ ഭാഗമായുള്ള വോട്ടര് അധികാര് യാത്ര നാളെ ബിഹാറില്നിന്നും ആരംഭിക്കും. വോട്ടര് പട്ടിക തീവ്ര പരിഷ്കരണം, വോട്ടര് പട്ടികയിലെ ക്രമക്കേട് അടക്കം ഉയര്ത്തിയാണ് വോട്ടര് അധികാര് യാത്ര.
വോട്ടര് അധികാര് യാത്ര എന്ന പേരില് ആരംഭിക്കുന്ന യാത്രയില് ആര്ജെഡി നേതാവ് തേജസ്വി യാദവും രാഹുലിന് ഒപ്പമുണ്ടാകും. ഇന്ത്യാ സഖ്യത്തിലെ മറ്റു നേതാക്കളും പങ്കെടുക്കും. ബീഹാറിലെ സാസാരാമില് നിന്ന് ആരംഭിക്കുന്ന യാത്ര വിവിധ ജില്ലകളിലൂടെ സഞ്ചരിച്ച് അറയില് മുപ്പതാം തീയതി സമാപിക്കും. സെപ്റ്റംബര് ഒന്നാം തീയതി പട്നയില് മെഗാ വോട്ടര് അധികാര് റാലിയും സംഘടിപ്പിക്കും. യുവാക്കളും തൊഴിലാളികളും കര്ഷകരും അടക്കം രാജ്യത്തെ എല്ലാ പൗരന്മാരോടും യാത്രയുടെ ഭാഗമാകാന് രാഹുല് അഭ്യര്ഥിച്ചു.
നിയമസഭാ തെരഞ്ഞെടുപ്പിന് മാസങ്ങള് മാത്രം അവശേഷിക്കിക്കേ രാഹുലിന്റെ യാത്ര ഇന്ത്യ സഖ്യത്തിന് ശക്തി പകരും എന്നതാണ് പ്രതീക്ഷിക്കുന്നത്. ഇതിനോടകം നിരവധിതവണ പ്രചാരണത്തിനായി ബിഹാറില് എത്തിയ പ്രധാനമന്ത്രിയുടെ നീക്കത്തെ പ്രതിരോധിക്കാം എന്നും കോണ്ഗ്രസ് കണക്കുകൂട്ടുന്നു.
Related News
