റിയാദ്: യുക്രെയ്ന്-റഷ്യന് പ്രതിസന്ധി നയതന്ത്ര മാര്ഗങ്ങളിലൂടെയും സമാധാനപരമായ ചര്ച്ചകളിലൂടെയും പരിഹരിക്കാനുള്ള എല്ലാ ശ്രമങ്ങള്ക്കും സൗദി അറേബ്യ പിന്തുണ പ്രഖ്യാപിച്ചു. ഇരു രാജ്യങ്ങള്ക്കുമിടയില് സമാധാനം പുനഃസ്ഥാപിക്കാന് ലക്ഷ്യമിട്ടുള്ള നീക്കങ്ങളെ രാജ്യം സ്വാഗതം ചെയ്യുന്നതായി സൗദി വിദേശകാര്യ മന്ത്രാലയം പ്രസ്താവനയില് അറിയിച്ചു.
അന്താരാഷ്ട്ര തര്ക്കങ്ങളും സംഘര്ഷങ്ങളും പരിഹരിക്കുന്നതിനുള്ള ഏക മാര്ഗം നയതന്ത്ര ചര്ച്ചകളാണെന്ന് സൗദി വിദേശകാര്യ മന്ത്രാലയം വ്യക്തമാക്കി. ഇതിന്റെ ഭാഗമായി, യു.എസ് പ്രസിഡന്റ് ഡൊണാള്ഡ് ട്രംപും റഷ്യന് പ്രസിഡന്റ് വ്ളാഡിമിര് പുടിനും തമ്മില് നടന്ന അലാസ്ക ഉച്ചകോടിയെ സൗദി അറേബ്യ സ്വാഗതം ചെയ്യുന്നതായും പ്രസ്താവനയില് പറഞ്ഞു.
സമാധാനപരമായ സംഭാഷണങ്ങള്ക്ക് സൗദി അറേബ്യ നല്കുന്ന പിന്തുണയുടെ ഭാഗമായാണ് ഈ നിലപാട്. മേഖലയിലെ സമാധാനവും സ്ഥിരതയും നിലനിര്ത്താന് ഇത്തരം ഉച്ചകോടികള് നിര്ണായകമാണെന്നും മന്ത്രാലയം കൂട്ടിച്ചേര്ത്തു.
Related News
