മക്ക- തിരുഗേഹങ്ങളുടെ സേവകന് സല്മാന് രാജാവിന്റെ രക്ഷാകര്തൃത്വത്തില്, 45-ാമത് കിംഗ് അബ്ദുല് അസീസ് അന്താരാഷ്ട്ര വിശുദ്ധ ഖുര്ആന് മനഃപാഠമാക്കല്, പാരായണ, വ്യാഖ്യാന മത്സരത്തിന്റെ സമാപന ചടങ്ങ് മക്കയിലെ മസ്ജിദുല് ഹറാമില് നാളെ വൈകിട്ട് നടക്കും. രാജാവിനെ പ്രതിനിധീകരിച്ച് മക്ക ഡെപ്യൂട്ടി ഗവര്ണര് സൗദ് ബിന് മിഷാല് ബിന് അബ്ദുല് അസീസ് രാജകുമാരന് ചടങ്ങില് പങ്കെടുക്കും.
ഇസ്ലാമികകാര്യ മന്ത്രാലയമാണ് മത്സരം സംഘടിപ്പിച്ചത്. ആറ് ദിവസമായി മസ്ജിദുല് ഹറാമില് നടന്ന മത്സരത്തില് ലോകത്തിന്റെ വിവിധ ഭാഗങ്ങളില് നിന്ന് ഖുര്ആന് മനഃപാഠമാക്കിയവരുടെ വലിയ സംഘം പങ്കെടുത്തു. പ്രത്യേക അന്താരാഷ്ട്ര ജൂറിയുടെ മേല്നോട്ടത്തിലായിരുന്നു മത്സരം.
മത്സരത്തിലെ അഞ്ച് വിഭാഗങ്ങളിലെ വിജയികളെയും വിധികര്ത്താക്കളെയും ചടങ്ങില് ആദരിക്കും. ഇസ്ലാമിക കാര്യ മന്ത്രിയും പ്രാദേശിക, അന്താരാഷ്ട്ര ഖുര്ആന് മത്സരങ്ങളുടെ ജനറല് സൂപ്പര്വൈസറുമായ ഷെയ്ഖ് ഡോ. അബ്ദുല് ലത്തീഫ് ബിന് അബ്ദുല് അസീസ് അല് ഷെയ്ഖിന്റെ മേല്നോട്ടത്തിലാണ് മത്സരം സംഘടിപ്പിച്ചത്. ലോകത്തിലെ ഏറ്റവും വിപുലമായ ഖുര്ആന് മത്സരങ്ങളിലൊന്നാണിത്.
ഇത്തവണ 128 രാജ്യങ്ങളില് നിന്നായി 179 മത്സരാര്ത്ഥികളാണ് പങ്കെടുത്തത്. ഇത് മത്സര ചരിത്രത്തിലെ ഏറ്റവും ഉയര്ന്ന പങ്കാളിത്തമാണ്. അഞ്ച് ഖുര്ആന് ശാഖകളിലായി നടന്ന മത്സരത്തില് 40 ലക്ഷം റിയാലിലധികം സമ്മാനത്തുകയുണ്ട്. മത്സരാര്ഥികളുടെ എണ്ണത്തിലും സമ്മാനത്തുകയുടെ മൂല്യത്തിലും ഏറ്റവും വലിയ അന്താരാഷ്ട്ര മത്സരങ്ങളില് ഒന്നാണിത്.
Related News
