ജിദ്ദ: രണ്ടു മാസത്തെ വേനലവധിക്ക് ശേഷം സൗദിയിലെ സ്‌കൂളുകള്‍ തുറന്നു. 60 ലക്ഷത്തിലേറെ വിദ്യാര്‍ഥികളാണ് പുതുവര്‍ഷാരംഭമായ ഇന്ന് സ്‌കൂളിലെത്തിയത്. സൗദി സ്‌കൂളുകള്‍ക്കൊപ്പം ഇന്ത്യന്‍ സ്‌കൂളുള്‍പ്പടെ വിദേശ സ്‌കൂളുകളും ഭൂരിഭാഗവും തുറന്നിട്ടുണ്ട്. മക്ക, മദീന, ജിദ്ദ, തായിഫ് എന്നീ നഗരങ്ങളില്‍ ആഗസ്റ്റ് 31 മുതലാണ് ക്ലാസുകള്‍ ആരംഭിക്കുക. അവധിക്കാലത്ത് മന്ത്രാലയം ജീവനക്കാര്‍ക്ക് വിവിധ പരിശീലന പരിപാടികള്‍ നടത്തിയിരുന്നു.

31,000 സ്‌കൂളുകളാണ് സൗദിയില്‍ ഉള്ളത്. ഇതില്‍ സ്വദേശികളും വിദേശികളും ഉള്‍പ്പെടെ 67 ലക്ഷം വിദ്യാര്‍ഥികളുണ്ട്. 7,000 സ്‌കൂളുകളുള്ള റിയാദിലാണ് ഏറ്റവും കൂടുതല്‍ വിദ്യാര്‍ഥികള്‍. 16 ലക്ഷം വിദ്യാര്‍ഥികളാണ് റിയാദില്‍ മാത്രമുള്ളത്. 14 ലക്ഷം വിദ്യാര്‍ഥികളുള്ള മക്ക പ്രവിശ്യയാണ് രണ്ടാമത്.

ഗ്രാമങ്ങളില്‍നിന്നുള്ള 12 ലക്ഷം വിദ്യാര്‍ഥികളെ സൗജന്യമായി സ്‌കൂളിലെത്തിക്കാന്‍ സംവിധാനം ഒരുക്കിയിട്ടുണ്ട്. ഇതിനായ ്യ ഇലക്ട്രിക് ബസുകളാണ് ഉപയോഗിക്കുക. മഴ മുന്നറിയിപ്പ് പശ്ചാത്തലത്തില്‍ അസീര്‍ ഉള്‍പ്പെടെ മലയോര മേഖലയില്‍ ഇന്ന് ഓണ്‍ലൈനിലായിരുന്നു ക്ലാസുകള്‍.