കൊച്ചി: നഗരമധ്യത്തില്നിന്ന് ഐടി ജീവനക്കാരനെ തട്ടിക്കൊണ്ടുപോയി മര്ദിച്ച കേസില് നടി ലക്ഷ്മി മേനോനെ പോലീസ് തിരയുന്നു. നടിക്കൊപ്പം ഉണ്ടായിരുന്ന മൂന്ന് പേരെ അന്വേഷണം സംഘം അറസ്റ്റ് ചെയ്തു. ലക്ഷ്മി മേനോന് ഒളിവിലാണെന്ന് പൊലിസ് പറഞ്ഞു.
ബാറിലുണ്ടായ തര്ക്കത്തെ തുടര്ന്ന് ഐടി ജീവനക്കാരനെ തട്ടിക്കൊണ്ടുപോയെന്നാണ് പരാതി. നടിക്കൊപ്പമുണ്ടായിരുന്ന രഞ്ജിത്ത്, അനീഷ്, സോനു എന്നിവരെയാണ് എറണാകുളം നോര്ത്ത് പൊലീസ് അറസ്റ്റ് ചെയ്തത്. ഇവര് ആലുവ, പറവൂര് സ്വദേശികളാണ്.
ബാറിലുണ്ടായ സംഘര്ഷത്തിന് ശേഷം പരാതിക്കാരനും സുഹൃത്തുക്കളും മടങ്ങിയതോടെ പ്രതികള് അവരുടെ കാര് പിന്തുടരുകയായിരുന്നു. കലൂരില് കാര് നിര്ത്തി പരാതിക്കാരനെ കാറില് നിന്ന് വലിച്ചിഴച്ചുകൊണ്ടുപോയതായി മര്ദിക്കുകയായിരുന്നു. കാറില് വെച്ച് മുഖത്തും ശരീരത്തിലും മര്ദ്ദിക്കുകയും ഭീഷണിപ്പെടുത്തുകയും ചെയ്തതായി പറയുന്നു. പിന്നീട് പറവൂര് ജംഗ്ഷനില് ഇയാളെ ഇറക്കി വിടുകയായിരുന്നു. അലിയാര് ഷാ സലീം എന്നയാളാണ് പരാതിക്കാരന്. തുടര്ന്നു നല്കിയ പരാതിയിലാണ് പോലീസ് അന്വേഷണം നടത്തുകയും മൂന്നു പേരെ അറസ്റ്റ് ചെയ്യുകയും ചെയ്തത്.
Related News
