ജിദ്ദ: ഓണ്ലൈന് വഴി വളരെ പെട്ടെന്ന് ലഭിച്ചിരുന്ന ഉംറ വിസ ലഭിക്കാന് ഇനി രണ്ടു ദിവസം വേണ്ടിവരും. വിസ അനുവദിക്കുന്നതിന് 48 മണിക്കൂര് സമയമാണ് വേണ്ടിവരുകയെന്ന് ബന്ധപ്പെട്ടവര് അറിയിച്ചു. തീര്ഥാടകര് യാത്ര തിരിക്കുന്നതിന് മുന്പ് വിസ നടപടികള് പൂര്ത്തിയായത് ഉറപ്പുവരുത്തണമെന്ന് അതോറിറ്റി മുന്നറിയിപ്പ് നല്കി.
നുസുക്ക് മസാര് പോര്ട്ടല് വഴിയാണ് ഉംറ വിസ അനുവദിച്ചിരുന്നത്. നേരത്തെ അപേക്ഷ നല്കി ഉടനെതന്നെ വിസ ലഭിക്കാറാണ് പതിവ്. എന്നാല് ആഗസ്റ്റ് 31 മുതല് വിസ അപേക്ഷകള് പരിശോധിച്ച് വിസ ഇഷ്യു ചെയ്യാന് ചുരുങ്ങിയത് 48 മണിക്കൂര് സമയമെടുക്കുന്നുണ്ട്. ഇത് സംബന്ധിച്ച് ഉംറ സര്വീസ് കമ്പനികള്ക്ക് അതോറിറ്റി നേരത്തെ സര്ക്കുലര് നല്കിയിരുന്നു.
തീര്ഥാടകര് വിമാന ടിക്കറ്റ് ബുക്ക് ചെയ്യുന്നതിന് മുമ്പ് വിസ നടപടികള് പൂര്ത്തിയായത് ഉറപ്പുവരുത്തണമെന്ന് അതോറിറ്റി അറിയിച്ചു. സുരക്ഷയും സൗകര്യവും പരിഗണിച്ച് തീര്ഥാടകന്റെ താമസ സൗകര്യം ഉള്പ്പടെ മുഴുവന് വിവരങ്ങളും നല്കിയാല് മാത്രമെ ഉംറ വിസകള് അനുവദിക്കുകയുള്ളൂ. നാട്ടിലെ ഓണാവധിയും റബീഉല് അവ്വലും പ്രമാണിച്ച് മലയാളികള് ഉള്പ്പെടെ ലക്ഷക്കണക്കിന് തീര്ഥാടകരാണ് ഉംറ വിസയില് സൗദിയിലെത്തുന്നത്.
Related News
