.jpg)
ദുബായ്: മലയാളി വിദ്യാര്ഥിയുടെയും സംഘത്തിന്റെയും കണ്ടെത്തല് എഡിറ്റേഴ്സ് ചോയ്സായി അമേരിക്കന് ഗവേഷണ ജേണലില് പ്രസിദ്ധീകരിച്ചു. അബുദാബി ന്യൂയോര്ക്ക് യൂണിവേഴ്സിറ്റി മൂന്നാംവര്ഷ ബിരുദ വിദ്യാര്ഥി ഇര്ഫാന് കറുകപ്പാടത്താണ് ഈ മിടുക്കന്. പഠന പദ്ധതിയുടെ ഭാഗമായി പോസ്റ്റ് ഡോക്ടറല് ഫെല്ലോ സുഡാന് പൗരയായ ഡോ. സോഹ യൂസഫുമൊന്നിച്ച് ഹാര്വാഡ് യൂണിവേഴ്സിറ്റിയിലാണ് പ്രോജക്ട് ചെയ്തത്.
അമേരിക്കന് സൊസൈറ്റി ഫോര് ലേസര് മെഡിസിന് ആന്ഡ് സര്ജറിയുടെ ഔദ്യോഗിക പിയര് റിവ്യൂഡ് ജേണലായ ലേസേഴ്സ് ഇന് സര്ജറി ആന്ഡ് മെഡിസിന്റെ ഓഗസ്റ്റ് മാസത്തെ എഡിറ്റേഴ്സ് ചോയ്സായാണ് ഇത് പ്രസിദ്ധീകരിക്കപ്പെട്ടത്. മെഷീന് ലേണിങ്ങിന്റെ സാധ്യതകളും രാമന് സ്പെട്രോസ്കോപ്പിയും ഉപയോഗിച്ച് ആരോഗ്യമുള്ള ടിഷ്യുകളെ ഇല്ലാത്തവയില്നിന്ന് വേര്തിരിച്ചറിയുന്ന മാതൃകയാണ് പ്രോജക്ട്.
ന്യൂറോ സര്ജറി, എല്ലു ചികിത്സ എന്നിവയില് കൊഴുപ്പ്, പേശികള്, മജ്ജ, എല്ലുകള് എന്നിവയുമായി ബന്ധപ്പെട്ട കോശങ്ങളുടെ സ്ഥിതിയാണ് പഠിച്ചത്. ഓര്ത്തോപീഡിക് ന്യൂറോ സര്ജിക്കല് ശസ്ത്രക്രിയകള് നടത്തുമ്പോള് വിദഗ്ധര്ക്ക് കൂടുതല് തെളിവുകളോടെയുള്ള തീരുമാനങ്ങള് കൈക്കൊള്ളാന് സഹായകമാകുന്നതാണ് ഈ പഠനം.
Related News
